महिला हिंसा जघन्य र क्रुरतामा रूपान्तरण हुँदैः प्रमुख जिल्ला अधिकारी धनुषा


प्रकाशित मिति :2016-04-20 14:35:34

महिला खबर

जनकपुर । एक ठाउँमा रीति मानिएकालाई अर्का ठाउँमा कुरीति ठान्ने मानसिकताका कारण  महिलामाथि हिंसा  भइरहेको  एक कार्यक्रमका सहभागीले बताएका छन् ।

राष्ट्रिय महिला आयोगले जनकपुरमा आयोजना गरेको प्रथा, परम्परा तथा सामाजिक कुरीतिका कारण महिलामाथि हुने हिंसा सम्बन्धमा जिल्लास्तरीय छलफल कार्यक्रमका सहभागीले बोक्सी, दाइजो, घुम्टो, बालविवाहको प्रथाले महिलाको जीवन असुरक्षित, असंवेदनशील र शोषणमा  रहेको  बताए ।  वैदेशिक रोजगारमा गएका अधिकांशको परिवारिक सम्बन्ध कटुतापूर्ण रहेको  उनीहरूको भनाइ थियो ।

कार्यक्रममा बोल्दै   प्रमुख जिल्ला अधिकारी दिलीपकुमार चापागाईँले सामाजिक कुरीतिले समाजमा महिला हिंसाको स्थिति अत्यन्त जघन्य र क्रुरतामा रूपान्तरण हुँदै गएको बताउनुभयो । सहायक प्रजिअ दानीकान्त झाले पितृसत्तात्मक चिन्तनका कारण अहिले पनि छोरीको जन्ममा आँसु र छोराको जन्ममा उत्सव मनाउने अवस्था विद्यमान रहेकाले महिलालाई कानुन सम्बन्धी ज्ञानका लागि यस क्षेत्रमा कानुन विषयको विश्वविद्यालयको खाँचो औंल्याउनुभयो ।

जनस्वास्थ्य कार्यालय प्रमुख सच्चिदानन्द देवले मधुश्रावणी पर्वमा महिलालाई डाम्ने प्रवृत्तिमा सुधारको आवश्यकतामा जोड दिनुभयो ।

कार्यक्रममा आयोगका सचिव लेखबहादुर  कार्कीले हिंसाका घटनालाई तत्काल सम्बोधन गर्ने व्यवस्था, हिंसापीडित महिलाको स्वास्थ्य सेवाको सुनिश्चितता तथा सुरक्षा र संरक्षणको आवश्यकतामा जोड दिनुभयो ।

नेपाल डेमोग्राफी हेल्थ सर्वेका अनुसार नेपालमा ४८ प्रतिशत महिला आफ्नो जीवनमा कुनै न कुनै प्रकारको हिंसा भोग्न बाध्य तथा ४० प्रतिशत महिला मानसिक हिंसामा छन् ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: