५ महिनामा ५७ जना महिला सुरक्षित आवासमा


चेतनाका कारण घटना बाहिर आउन थाले

प्रकाशित मिति :2016-04-25 10:26:50

ज्ञानु पंगेनी
नवलपरासी  । नवलपरासीको महिला तथा बालबालिका कार्यालयद्वारा सञ्चालित सुरक्षित आवासमा ५ महिनाको अवधिमा ५७ जना हिंसा पीडित महिला तथा बालबालिकाले आश्रय लिएका छन् ।

यीमध्ये घरपरिवारबाटै कुटपिटमा परेका २६ जना महिलाले सुरक्षित आवासमा आश्रय लिएको महिला तथा बालबालिका कार्यालयकी प्रमुख उर्वरा लुईटेलले बताउनुभयो ।
तथ्यांक अनुसार गाली बेइज्जतीका १३ ,बेवारिसे  फेला परेको १ जना, बहुविवाहको १ जना, घरनिकाला ५ जना, सम्बन्ध विच्छेदका १ जना र छिमेकीबाट हिंसामा परेका ६ जना महिलाले सुरक्षित आवासमा आश्रय लिएको प्रमुख लुईटेलले जानकारी दिनुभयो ।

२०६६ सालदेखि कार्यालयले सुरक्षित आवास सञ्चालनमा ल्याएपछि नवलपरासी र रुपन्देहीका हिंसा पीडित महिलाहरू आश्रय लिँदै आएका छन् । हालसम्म कुल १ हजार ४ सय ८२ जना महिला आवासमा आश्रय लिइसकेको  छन् । त्यसमध्ये कुटपिटबाट ५ सय ९३ र गालीबेइज्तीका  ३ सय ७७ जना हिंसामा परेका थिए । त्यसैगरि यौन दुव्र्यहारमा परेका ३४,बेवारिसे २०,बहुविवाहका ६७,सम्बन्ध विच्छेदका ६९, छिमेकीबाट हिंसा ५५, प्रभावित १ सय २९, आर्थिक हिंसाका ३७, श्रमशोषणका ३, बैदेशिक रोजगारका ६ र अन्य नाता कायमका १२ जना महिला सुरक्षित आवासमा आश्रय लिई कानुनी र स्वास्थ्य उपचार गराई पुर्नस्थापित भएको प्रमुख लुईटेलले जानकारी दिनुभयो ।

लैगिंक हिंसाविरुद्ध कामहरू भएपनि नवलपरासीमा हिंसामा कमी आउन नसकेको  प्रमुख लुईटेलको भनाई छ ।
महिलाहरू अन्यायविरुद्ध बोल्न र  लड्न थालेकाले पनि घटना धेरै देखिएको हुनसक्ने उहाँको भनाई छ ।

गएका वर्षको  तुलनामा  हिंसाका घटना पछिल्लो वर्षमा धेरै दर्ता हुनुले महिलाहरू हिंसा सहेर  बस्ने छाडेको  हिंसा विरुद्ध लड्न थालेको पाईएको उहाको बुझाई छ ।

महिला हिंसाका घटनामा कमी ल्याउन र निर्मुल पार्नका लागि राजनीतिक दल, समाजिक अगुवाहरूसँगसँगै सञ्चार क्षेत्रले पनि महत्वपुर्ण भुमिका खेल्नु पर्ने लुइटेल बताउनुहुन्छ  ।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: