कामको इज्जत नगर्ने शहर


प्रकाशित मिति :2016-04-25 13:05:47

शहरका मान्छेले कामको इज्जत गर्न जान्दैनन् । केटी पनि खलाँसी भनेर हेप्छन्, तर जसले जे भनेपनि अबका महिला कसले के भन्ला भनेर काम नै नगरी बस्न सक्दैनन् ।

नुनुता राई

Ass3

काठमाडौं  । ‘कत्ति राम्री छ्यौ मुख नढाक न हौ बैनी, हेरुम न हामी पनि ।’ महानगर यातायातकी परिचारिका तारा राउतले धुलो छल्न पातलो सलले आफ्नो अनुहार ढाक्दा  गाडीमा बसेका तीन जना युवक मध्ये एक युवा भन्दै थिए ।

ताराले पनि ‘राम्रो चीजलाई काँ हेरिरहन पाइन्छ त’ भनेर रुखो जवाफ फर्काइन् । त्यस लगत्तै अर्का युवाले ‘कत्ति छुच्ची,  के तिमी त राम्रो मान्छे त कराउँदा नि राम्री देखिन्छ ।’ भन्दै तीनै युवाहरू गलल्ल हाँसे । ताराले ती युवाको कुरालाई वास्ता नगरी यात्रुको भिडलाई संयोजन गर्न थालिन् ।

विराटनगरबाट आएपछि दशवर्ष कपडा पसलमा काम गरेर गाडी लाइनमा आएकी रहेछिन् उनी । महानगर यातायात प्रालिले गत चैतदेखि ३९ वटा गाडी सञ्चालनमा ल्याएको छ । त्यसमा अठार जना महिला परिचारिका छन् । तीनै मध्येकी एक हुन तारा ।

कामको बारेमा जानकारी पाएपछि नयाँ कामको अनुभव लिने रहरले काम गर्न आएको उनले बताईन । ‘दाईले जहाँ पनि काम गर्ने त हो भन्नुभयो, ‘ट्राई’ गरुम न त भनेर आएको ।’ काम गर्न त रमाइलो छ, तर यसरी नियतवश दुःख दिने केटाहरूको व्यहोराले  दिक्क लाग्छ’ उनले भनिन् ।  दिनमा हजारौँ यात्रुसँग कुरा गर्नुपर्छ  । भाडा दिन किचकिच गर्छन् । हेर्दा बुझ्ने र पढलेखेकाहरू नै रुखो व्यवहार गर्ने अनुभव रहेछ उनको । भन्छिन् ‘कत्तिले त मेरै अगाडी केटी मान्छे भएर पनि गाडीमा काम गर्ने ? भन्छन् ।’

Ass1

दिनमा चार ट्रिप हिँड्नु पर्छ , तर जाम हुनु र नहुनुले फरक पार्छ । पाँच घण्टा देखि दश घण्टासम्म गाडीमा हिँड्नुपर्ने उनले बताइन् ।
सिता स्याङ्तान सिलाई तालिम गरेरपपनि मकवानपुरदेखि गाडी परिचालिका हुन आएकी छिन् । गाडीमा महिला परिचारिका राख्ने माइती नेपाल मार्फत जानकारी पाएपछि उनी काठमाडांै आएको बताउँछिन् । काम थालेपछि यस्मै रमाइरहेकोे अनुभव छ उनको । उनको अनुभवमा शहरका मान्छेले कामको इज्जत गर्न जान्दैनन् । गाउँमा बस्दा जसले जे काम गरेपनि कसैले केही नभन्ने, तर यहाँ आएर केटी मान्छे भएर पनि यस्तो गर्ने उस्तो गर्ने भनेर हेपिएको अनुभव गरिसकिन् उनको । भनिन ‘मलाई नै कत्तिले केटी मान्छे पनि खँलासी ।’ भनेर छक्क परेर हेर्छन् । काम जसले जे सक्छ त्यो गर्ने हो तर शहरमा पढेको मान्छेले नै केटाको काम र केटीको काम भनेको उनलाई चित्त बुझ्दैन । ‘यिनीहरूको अगाडि अब गाडी चलाउन सिकेर सरर गाडी चलाउने हो ।’

13063985_1012095568874560_100236585_o

योगकुमारी सुवेदी ३५ वर्ष पुगिन । ठेलामा पसल गर्दागर्दै गाडी लाइनमा आएको उनले बताइन् ।  कामको हिसाबले सहज भएपनि कमाई अलि कम भएको उनको अनुभव छ । ‘गाडीमा धेरै कराउनु पर्ने हुन्छ । मेरो स्वर सानो भयो भनेर अफिसमा भन्छन् । मैले स्वर ठुलो कसरी बनाउने ।’ उनको दुःखमा साथ दिने कोही छैन, त्यसैले उनी जस्तो गाह्रो भएपनि काम गर्न पछि पर्दिनन् । भनिन् ‘छोरा पढाउन कै लागि भएपनि मैले काम गर्नुपर्छ ।’ निश्चित भाडा तोकिए पनि यात्रु भाडा तिर्न किचकिच गर्दा भने उनलाई दिक्क लाग्छ ।

धनकुटा पाख्रीबासका दल बहादुर तामाङ, ४ वर्ष खाडीमुलुक बसेर आएका हुन् । उनी पनि अहिले महानगर यातायातमा परिचारकको रुपमा कार्यरत छन् । उनी महिला सहकर्मीलाई देखेर दङ्ग छन् । उनको अनुभवमा पुरुष भन्दा महिला बढी काममा खट्छन् । भन्छन् ‘बिहान ६ बजेदेखि दिउँसो दुई बजेसम्म लगातार कराउँदै हिँड्नुपर्छ र पनि उनीहरू फुर्तिलो नै देखिन्छन् ।’ तामाङले भने ‘महिलाले जस्तो काम पनि गर्न थालेपछि मनभित्रैबाट समर्पित भएर काम गर्छन् ।’ उनी समयले मान्छेको व्यवहार परिवर्तन नभई सोचले हुने बताउँछन् ।

महानगर यातायात कार्यालयका कर्मचारी यमबहादुर मगर भन्छन् ‘जत्तिसुकै आधुनिक समय भनेपनि महिलाको काम भनेको खाना पकाउने, लुगा धुने, बालबच्चा स्याहार्ने हो भन्ने सोचाई धेरैमा छ ।’ यस्तो उनीहरूको व्यवहारबाट थाहा हुने उनको अनुभव छ । गाडीकै कुरा गर्नु पर्दा पुरुष परिचारकलाई महिला यात्रुले जिस्काएको सुनेका छैनन् । बरु परिचारकले यात्रुलाई जिस्काएको सुन्न अथवा देख्न सकिन्छ । अबका महिला मान्छेले के भन्लान् भनेर काम नै नगरी बस्न सक्दैनन् । यसलाई समाजले साथ र हौंसला दिनुपर्ने जोड दिन्छन् महानगर यातायातका परिचारिकाहरू । उनीहरू भन्छन् ‘हामीले शैक्षिक योग्यतासँगै दृष्टिकोण फराकिलो बनाउन जरुरी छ, जहाँ कामको सम्मान होस ।’

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: