दाइजोमा लिएको सम्पत्ति फिर्ता गर्नुपर्ने कानुन बन्दै


दाइजो लिनेलाई तीन र माग्नेलाई पाँच वर्ष कैद

प्रकाशित मिति :2016-04-27 11:27:28

महिला खबर

CA building

काठमाडाैं । फौजदारी कसूर सम्बन्धी प्रचलित कानुनलाई संशोधन र एकीकरण गर्न बनेको विधेयकले दाइजो प्रथा रोक्न विवाहमा हुने कुनैपनि प्रकारको लेनदेन बन्देज लगाउन प्रस्ताव गरेको छ ।

स‌ंसदमा छलफल मै रहेको यो विधयेकमा कुनै जात समुदायको आफ्नो परम्परादेखि चलिआएको सामान्य उपहार, भेटी, दक्षिणा वा शरीरमा लगाएको एकसरो गहना बाहेक विवाह गर्ने दुलहा वा दुलहीका तर्फबाट कुनै किसिमको चलअचल दाइजो वा कुनै सम्पत्ति माग गरी र लेनदेनको शर्त राखी विवाह गर्न नपाउने व्यवस्था छ । साथै यस्तो काम गराउन वा सहयोग गर्न र साथ दिन समेत नपाउने व्यवस्था विधयेकमा छ ।

यस्तो कार्य विवाह पुर्व वा पछि पनि कसैले गरेमा अपराध मानी कारवाही गर्ने व्यवस्था विधयेकमा छ । ‘विवाहपछि कुनै चलअचल सम्पति, दाइजो माग गर्न र त्यस्तो चलअचल सम्पति, दाइजो नदिएका कारण दुलही वा निजका नातेदारलाई कुनै किसिमले हैरान पार्न, सताउन, कुनै अमानवीय, अपमानजन्य व्यवहार गर्न पाईने छैन’ विधयेकमा भनिएको छ ।

breaker 1

कानुनले रोक्दा-रोक्दै विवाहमा पुर्वसर्त वा माग राखी विहे गरेको, केटी पक्षको कुनै सम्पत्ति लिएमा त्यस्तो सम्पत्ति सम्बन्धित व्यक्तिलाई फिर्ता दिनुपर्ने र कसूर गर्ने व्यक्तिलाई तीन वर्षसम्म कैद वा तीस हजार रुपैयाँसम्म जरिबाना वा दुवै सजाय हुने व्यवस्था विधयेकमा छ ।

यसैगरि विधयेकमा विवाहपछि कुनै चलअचल सम्पति, दाइजो माग गर्न र त्यस्तो चलअचल सम्पति, दाइजो नदिएका कारण दुलही वा निजका नातेदारलाई कुनै किसिमले हैरान पार्न, सताउन, कुनै अमानवीय, अपमानजन्य व्यवहार गरेको पाईएमा यस्तो गर्ने व्यक्तिलाई पाँच वर्षसम्म कैद वा पचास हजार रुपैयाँसम्म जरिबाना वा दुवै सजाय हुन सक्ने व्यवस्था छ ।

Breaker

यसैगरि कुनैपनि  पुरुष वा महिलाले बहुविवाह गरेमा ३ वर्ष कैद र तीस हजार रुपैयाँ कैद हुने व्यवस्था यो विधेयकमा गरिएको छ ।

विधयेकमा बालविवाह गर्ने वा गराउनेलाई एक वर्ष कैद र दश हजार रुपैयाँ कैद हुने व्यवस्थन गरिएको छ । साथै कानुन विपरीत भएको यस्तो विवाह स्वतः रद्द हुने व्यवस्था छ । वीस वर्ष नपुगी विवाह गरेमा वा अठार वर्ष पुरा भइ २० वर्ष नपुगेको व्यक्तिले अफ्ना संरक्षकको सहमति लिइ विवाह गर्न सक्ने उल्लेख छ । विधयेकमा घटना भएको तीन महिना भित्र उजुरी दिई सक्नुपर्ने उल्लेख छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: