सूचनाप्रविधिमा महिला सशक्तीकरण आवश्यक


प्रकाशित मिति :2016-04-28 15:56:14

महिला खबर

काठमाडौं । आज अन्तर्राष्ट्रिय महिला सूचना तथा सञ्चार प्रविधि दिवस नेपालमा पनि मनाइएको छ । सन् २०१३ देखि नेपालमा पनि प्रत्येक वर्ष अप्रिल महिनाको चौथो बिहीबार यो दिवस मनाइदै आएको छ । नेपाल दूरसञ्चार प्राधिकरणले दिवशको अवशरमा एक कार्यक्रमको आयोजना गर्यो ।

कार्यक्रममा बोल्दै सूचना तथा सञ्चारमन्त्री शेरधन राईले सूचनाप्रविधिमा महिला सशक्तीकरणको आवश्यकता भएको बताउनुभयो ।  उहाँले महिला आफैँ यस क्षेत्रमा क्रियाशील नभएकाले यसका लागि उनीहरूको  सशक्तीकरण अवश्यक रहेको अल्याउनुभयो । यसका लागि सरकारले तालिमलगायत विविध कार्यक्रम आयोजना गर्दै आएको  उहाँको दाबी थियो ।

मन्त्री राईले आगामी दिनमा ग्रामीण क्षेत्रका सामुदायिक विद्यालयमा समेत इन्टरनेटको व्यवस्था गरेर महिलालाई सूचना तथा प्रविधिका क्षेत्रमा जानकारी गराउने सरकारको लक्ष्य रहेको बताउनुभयो ।

कार्यक्रममा महिला आफैँले बाह्य तथा घरेलु हिंसाबाट बच्न प्रगोग गर्न सक्ने मोबाइल एप्लिकेसन बनाउने छात्रा समूहलाई नगद पुरस्कार र प्रमाणपत्र प्रदान गरिएको थियो ।

प्रतियोगितामा पहिलो हुने ‘नारी सरोकार’ समूहले  ३० हजार रुपैयाँ, दोस्रो हुने ‘उनका लागि’ समूहले  १८ हजार रुपैयाँ र तेस्रो हुने ‘नव नारी’ समूहले  नौ हजार रुपैयाँ पुरस्कार प्राप्त गरेका छन् ।

दूरसञ्चार प्राधिकरणका कार्यकारी अध्यक्ष दिगम्बर झा तथा प्राधिकरणका कार्यक्रम निर्देशक पुरुषोत्तम खनाल, सूचना प्रविधि समाज नेपालका अध्यक्ष दामोदर पौडेललगायतले सूचना सञ्चार र प्रविधिका क्षेत्रमा महिला सहभागिता बढाउन भइरहेका पहलबारे जानकारी दिनुभएको थियो ।

    Comment Here!

Related NEWS
मुख्य खबर

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

Read more
© 2015.All rights reserved by mahilakhabar.com
%d bloggers like this: