रक्सीको मातले लियो चार जनाको ज्यानः हत्यारा प्रहरीको फन्दामा


प्रकाशित मिति :2016-04-28 16:51:48

महिला खबर

 हत्यारा सन्जय भारती

हत्यारा सन्जय भारती

काठमाडाैं। सल्यान जिल्लाको छायाँ गाविस रानागाउँमा मङ्गलबार राति एकै घरका दुई बालिकासहित ४ जना महिलाको हत्या गर्ने २० वर्षीय सन्जय भारतीलाई जिल्ला प्रहरी कार्यालय सल्यानले पक्राउ गरेको छ । छायाँ गाविस रानागाउँका कै भारतीलाई प्रहरीले बिहीवार पक्राउ गरेको हो ।

कुकुरको सहायताले अपराधी पक्राउ गरिएको जिल्ला प्रहरी कार्यालय सल्यानले जनाएको छ । मध्य पश्चिम क्षेत्रीय प्रहरी कुकुर शाखा कोहलपुरवाट भुन्टी नामको  Tracker Dog  ल्याई घटनास्थलबाट अपराधी भागेको वाटो ट्रयाक गराईएको थियो । । भारतीलाई  आजै सल्यान जिल्ला अदालतवाट पाँच दिन म्याद थप गरी  थप अनुसन्धान  भैरहेको  प्रहरीले बताएको छ ।

 भारतीले मादक पदार्थ सेवन गरी गाइभैँसी बाँध्ने किलाले मंगलवार साँझ चार जनाको हत्या गरेको बयान दिएको जिप्रका प्रमुख प्रहरी नायव उपरिक्षक श्याम खत्रीले जानकारी दिनुभयो । प्रहरीका अनुसार आफूलाई सेलरोटी खान बोलाएको भन्दै  भारती साँझ ७ बजे सीता खाँणठकुरीको घरमा गएका थिए ।

यसक्रममा कुराकानीका गर्दा बिबाद भइ भारतीले आफ्नै ठुलो बाबु मखन भारतीको घरको आगनमा रहेको गाइ बाँध्ने किलो उखेलेर सीता खाँणलाई टाउकोमा हानी हत्या गरेका थिए । भारतीले रक्सी खाइ सीताको घरमा गएको प्रहरीले बताएको छ ।

Police

वयानका क्रममा भारतीले मृतक सीताकी दिदीकी छोरी १८ वर्षीया गीता गिरीलाई बलात्कार गर्ने प्रयास गरेको बताएको प्रहरी नायव उपरिक्षक श्याम खत्रीले बताउनुभयो ।

यसअघि उनले आफ्नै छिमेकी ६० वर्षीया जुठ्ठी अधिकारीलाई पनि बलात्कारको प्रयास गरेका थिए । यसक्रममा प्रतिवाद गर्दा अधिकारी घाइते भएकी थिइन् । खत्रीका अनुसार अभियुक्त भारतीले सीता खाँणलाई बलात्कार प्रयास नगरेको बयान दिएका छन् ।

भारतीले मगलवार साँझ २३ वर्षीया सीता, तीन वर्षीया छोरी पवित्रा, एक वर्षीया सविता र दिदीको घरमा आएकी शारदा नगरपालिका–१० मार्केकी १८ वर्षीया गीता गिरीको हत्या गरेका थिए ।

“पहिलो प्रहार सीतामाथि गरे, तर त्यसपछि उनकी वहिनी अनि दुई नाबालकलाई पालैपालो प्रहार गरेको अनुसन्धानका क्रममा खुलेको छ” – प्रहरी नायव उपरीक्षक खत्रीले भन्नुभयो ।

सीता खाँण ठकुरीका श्रीमान रमेश खाँण ठकुरी बैदेशिक रोजगारीका लागि भारतमा रहेको र शुक्रवारसम्म घर आईपुग्ने खत्रीले बताउनुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: