राष्ट्रिय महिला लिगको उपाधि प्रहरीलाई


प्रकाशित मिति :2016-05-03 15:10:23

महिला खबर

काठमाडौं। राष्ट्रिय महिला लिग फुटबल प्रतियोगिताको उपाधि नेपाल पुलिस क्लबले हात पारेको छ ।  सातदोबाटोस्थित एन्फा खेल मैदानमा सुपर लिगअन्तर्गत सोमवार भएको अन्तिम खेलमा पुलिसले पूर्वाञ्चल महिला टोलीलाई २–१ गोलअन्तरले पराजित गर्दै उपाधि जितेको हो । महिला लिगमा पुलिसको यो तेस्रो उपाधि हो । यसअघि भएका दुवै संस्करणको खेलमा पुलिसले उपाधि जितेको थियो ।

Police
पुलिसले उपाधिसँगै रु दुई लाख प्राप्त गर्यो । त्यसैगरी उपविजेतामा चित्त बुझाएको त्रिभुवन आर्मी क्लबले भने रु एक लाख हात पार्यो ।

प्रतियोगितामा उत्कृष्ट डिफेन्डरको उपाधि पुलिसकी खेमकुमारी घलेले पाइन् ।

त्यस्तै गोलकिपर आर्मीकी लीला लाम्घाडे, मिडफिल्डर एपिएफका अनिता बस्नेत, फरवार्ड एपिएफकै सावित्री भण्डारी र प्रशिक्षकमा पुलिसका सन्देश श्रेष्ठ उत्कृष्ट चुनिए ।

उनीहरुले जनही रु २५ हजार प्राप्त गरे ।

army

राउन्ड रोबिन लिगका आधारमा भएको सुपर लिगमा तीनवटै विभागीय टोलीको समान ६–६ अङ्क भएपनि नेपाल पुलिस हेड टु हेडका आधारमा च्याम्पियन बनेको हो ।

त्यसैगरी सुपर लिगमा पूर्वाञ्चल अङ्क बिहिन बन्यो । सुपर लिगमा पुलिस आर्मीसँग पराजित भएको थियो भने आर्मी एपिएफसँग हारेको थियो ।

विजेता टोलीलाई राष्ट्रिय खेलकुद परिषद्का सदस्य–सचिव केशवकुमार विष्ट, अखिल नेपाल फुटबल सङ्घ (एन्फा)का कार्यबाहक अध्यक्ष नरेन्द्र श्रेष्ठलगायतले पुरस्कार प्रदान गर्नुभयो । राष्ट्रिय लिगमा तिन विभागीय टोलीसहित पाँच क्षेत्रीय टोलीको सहभागिता रहेको थियो ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: