टीभी कार्यक्रम समकोणको प्रभावः पर्वतमा हिंसापीडित महिलाका लागि सेल्टर बनाइने


प्रकाशित मिति :2016-05-03 16:45:18

माया अधिकारी

सांसद अर्जुन जोशी

सांसद अर्जुन जोशी

पर्वत । लैङ्गिक हिंसा पीडित महिला तथा पीडित बालबालिकाहरूका लागि पर्वतमा सुरक्षित आवास बनाइने भएको छ । सञ्चारिका समूहले पर्वत जिल्लामा रेकर्ड गरि वैशाख १७ गते प्रसारण भएको महिला हिंसा रोक्न बहुविवाह बदर विषयक टिभी कार्यक्रम समकोणमा पर्वत क्षेत्र नम्बर १ का सांसद अर्जुन प्रसाद जोशीले सुरक्षित आवासका लागि बजेट छुट्टयाउन पहल गर्ने प्रतिवद्धता जनाउनुभएको थियो । उक्त कार्यक्रम समकोणमा पीडित र मशिला अधिकारकर्मीले सुरक्षित आवास नहुँदा हिंसापीडित महिलालाई पुर्नस्थापना गर्न निकै समस्या भइरहेको बताएका थिए ।

यसैगरि जिल्ला प्रहरी कार्यालय पर्वतले मंगलवार आयोजना गरेको सेल्टर आवश्यकता विषयक अन्तरक्रियामा पर्वत क्षेत्र नं. १ का सांसद अर्जुन प्रसाद जोशी र सांसद कल्पना चापागाईले  यसैवर्षको बजेटमा तीन/तीन लाख रुपैयाँ छुट्टयाई  हिंसापीडित महिलाका लागि पर्वतमा सुरक्षित आवास निर्माणमा सहयोग गर्ने बचन दिनुभएको छ ।

अन्तरक्रियामा सहभागीले  सदरमुकाम कुश्माबजारको वडागाउँमा   रहेको नारी शिल्पकला केन्द्रको परिसरमा रहेको जग्गालाई सुरक्षित आवास बनाउन प्रयोग गर्न सकिने सुझाव दिएका छन् ।

जिल्ला कारागार नजिकै रहेको र सुरक्षाका दृष्टिकोणले समेत उपयुक्त हुने भएकाले सोही भवनमा सुरक्षित आवास निर्माण गर्ने प्रस्ताव गरिएको प्रहरी नायब उपरिक्षक गंगा पन्तले जानकारी दिनुभयो । अन्तरक्रियामा सांसद अर्जुन प्रसाद जोशी, कल्पना चापागाई, प्रहरी बरिष्ठ उपरिक्षक छविलाल जोशी, प्रमुख जिल्ला अधिकारी झंकनाथ ढकाल, स्थानिय विकास   अधिकारी युवराज पौडेललगायत जिल्लाका सरोकारवालाको सहभागिता थियो ।

प्रहरी नायब उपरिक्षक गंगा पन्त

प्रहरी नायब उपरिक्षक गंगा पन्त

लैङ्गिक हिंसा न्यूनिकरण जिल्ला समन्वय समितिले उक्त सुरक्षित आवास निर्माणका लागि आवश्यक प्रकृया अघि बढाउने भएको छ । कार्यक्रममा सहभागि सरोकारवालाहरूले उक्त सेल्टर निर्माणका लागि आवश्यक सहयोग गर्ने प्रतिवद्धतना समेत जनाएका थिए ।

घरमा बस्ने नसक्ने अवस्था भएका हिंसापीडित महिला तथा बालबालिका राख्ने उचित स्थान नहुँदा उनीहरूलाई पुर्नस्थापना गर्न र वास्तविक न्याय पाउन  समस्या भएको गुनासो गर्दै  उनीहरूले सुरक्षित आवासको माग गर्दै आएका थिए ।

साथै दैनिकजसो प्रहरीमा आउने हिंसापीडित महिला तथा बालबालिकालाई राख्न र घटनाका बारेमा यथार्थ जानकारी लिन, उनिहरुसँग घुलमिल नभएसम्म सहज नहुने भएकाले पनि व्यवस्थित सुरक्षित आवासको आवश्यकता रहेको प्रहरी नायब उपरिक्षक गंगा पन्तले बताउनुभयो ।

यसैगरि विभिन्न कसुरमा नियन्त्रण तथा पक्राउ परेका बालबालिका तथा महिलालाई अनुसन्धानमा राख्ने स्थानको अभाव भएपछि सुरक्षित आवास निर्माण गर्न लागिएको हो । अहिलेसम्म जिल्ला प्रहरी कार्यालयमै रहेको थुनुवा कक्ष वा प्रहरी कर्मचारीको व्यक्तिगत कोठामा राखेर अनुसन्धान गर्नुपर्ने अवस्था थियो ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: