नेपाल पत्रकार महासङ्घको केन्द्रीय साधारणसभा  चितवनमा सुरु


प्रकाशित मिति :2016-05-03 17:10:51

महिला खबर

चितवन । नेपाल पत्रकार महासङ्घको केन्द्रीय साधारणसभा  चितवनमा सुरु भएको छ । राष्ट्रपति विद्या भण्डारीले साधारणसभाको उद्घाटन गर्नुभयो । उहाँले देशको बिद्यमान सामाजिक तथा आर्थिक अवस्थामा परिवर्तन ल्याउने दायित्व पत्रकारको भएको बताउनुभयो । संविधानको रक्षा गरी सामाजिक परिवर्तन ल्याउने भुमिका निर्वाह गर्न पत्रकारलाई उहाँको आग्रह थियाे । सरकारले गरेका गलत कामका बारेमा लेख्नु पत्रकारको अधिकार भएको भन्दै उहाँले सँगै सकारात्मक कामहरूको सूचना पनि प्रवाह गर्नुपर्ने उहाँले बताउनुभयाे ।

‘देशमा संचारक्षेत्रमा संख्यात्मक तथा गुणात्मक विकाश भइरहेको छ बलियो संचार क्षेत्रले देशलाई अविभाकत्व दिनुपर्छु’ उहाँले भन्नुभयो ।

दुई दिनसम्म चल्ने साधारणसभामा  देशभरका  शाखा, प्रतिष्ठान, एसोसिएट तथा विदेशी शाखाका सभासद् तथा शाखा अध्यक्ष गरी एक हजार ६५१ जना  पत्रकार सहभागी छन् ।

साधारणसभामा  प्रादेशिक संरचनाअनुसार विधान संशोधनको प्रस्तावमाथि छलफल हुनेछ ।  महासङ्घले ल्याएको विधान संशोधन प्रस्तावमा हाल नेपाल भौगोलिक हिसाबले सात प्रदेशमा विभाजन भएपनि महासङ्घले १० वटा प्रादेशिक संरचनाको प्रस्ताव गर्दैछ जसमा सात वटा प्रदेश, उपत्यका एक, एसोसिएट एक र प्रतिष्ठान एक गरी १० पुर्याउने गरी प्रस्ताव ल्याएको छ ।

यस्तै, केन्द्रीय सभामा चयन हुने सभासद् यसअघि १० बराबर एक रहेकोमा प्रस्तावित विधानमा १५ बराबर एक रहने व्यवस्था गरिएको छ ।

हाल महासङ्घका ७४ शाखा, ४२ प्रतिष्ठान, १० एसोसिएट र सात विदेशी शाखा रहेका छन् । यस्तै, प्रस्तावित विधानमा अब पत्रकार बन्नका लागि कम्तीमा पनि उच्च माध्यमिक तह वा सोसरहको पढाइ हुनुपर्ने प्रस्ताव ल्याइएको छ । यसअघिको विधानमा एसएलसी उत्तीर्ण गरेका व्यक्तिले पत्रकार बन्न पाउने व्यवस्था थियो ।
पत्रकार महासङ्घको विधान २०६० को चौथो संशोधनका लागि उक्त प्रस्ताव ल्याइएको महासङ्घका अध्यक्ष डा महेन्द्र विष्टले जानकारी दिनुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: