चालिस परिवार भएको गाउँमा तीसवटा छाउपडी गोठ


प्रकाशित मिति :2016-05-04 13:57:07

प्रकाश सिंह

 बाजुराको कोल्टिमा रहेको नुरीमा एक बालिका महिनावारी भएको बेला पालमा बस्दै । उनी कक्षा आठमा  पढ्छिन् ।

बाजुराको कोल्टिमा रहेको नुरीमा एक बालिका महिनावारी भएको बेला पालमा बस्दै । उनी कक्षा आठमा  पढ्छिन् ।

बाजुरा । सदरमुकाम मार्तडीनजिकैको गाउँ रतुडामा ४० परिवार बस्छन् । अनि यो गाउँमा ३० वटा छाउपडी गोठ रहेका छन् । यो गाउँको कसैको दुई परिवारको एक गोठ रहेको छ, नभए प्रायः सबैको एउटा एउटा घर र अलग्गै छाउगोठ रहेको स्थानीय कलु ऐडीले वताईन् । कसैको गोठ नभएमा ओडारमा गएर बस्ने गरेको कलु बताउँछिन् ।

यही गाउँमा रहेको श्री जन प्रकाश प्रावी रतुडामा महिनावारी भएको बेला शिक्षिका समेत विद्यालय जाँदैनन् । बिद्यालय नजिकै देउताको थान भएको भन्दै महिनावारी भएको बेला विद्यालय नजाने गरेको विद्यालयकी शिक्षिका नीरा बिष्टले वताइन् ।

कक्षा तीनसम्म रहेको उक्त विद्यालयमा तीन जना शिक्षक छन् । तीन जना मध्ये दुईजना शिक्षिका रहेका छन् । ‘दुबै जना शिक्षिका महिनावारी भएका बेला महिनाको चारदिन विद्यालयमा आउँदैनन’ स्थानिय गोरख बहादुर ऐडी भन्छन् ।

शिक्षिका नीरा विष्टले तीन कक्षासम्म पढाउँछिन् । अनिता जैसवालले शिक्षा विषय पढाउँदै आएकी छन् ।

‘दुबैजना शिक्षिका महिनामा चार दिन विद्यालय आउँदैनन्’ विद्यालयका प्रधान अध्यापक प्रकाश बहादुर ऐडी बताउँछन् । छाउ भएको बेला देवता दोष छ, भन्ने कारणले दुबै जना विद्यालय नआउने गरेको उनले वताए । उनीहरू महिनामा चार दिन विद्यालय नआउँदा प्रधानअध्यापक प्रकाश बहादुर ऐडी एक्लैले सवै कक्षा भ्याउनुपर्छ । यसले गर्दा पढाइको समेत बाधा हुने गरेको उनी वताउँछन् ।

‘महिनावारी भएको बेला अन्य महिला त्यो बाटोसमेत हिँड्दैनौं, शिक्षिका समेत जान मिल्दैन, गयो भने देउता रिसाउँछन्’ स्थानिय कलु ऐडी वताउँछिन् ।

यो गाउँमा महिनावारी भएको बेलामात्र नभई सुत्केरीलाई समेत छाउगोठमा राख्ने गरेका छन् । महिनावारी भएको बेला त पाँच देखि सातदिनसम्म छाउगोठमा बस्नुपर्छ, तर सुत्केरीलाई भने २० दिनसम्म गोठमा बस्नुपर्ने कलु ऐडीले बताइन् ।

रतुडा गाँउकी रुपशिला ऐडीले एकमहिना अघि छोरा जन्माईन् । उनी २० दिन छाउगोठमा बसेर बच्चा पनि त्यहीँ गोठमा पाएको वताईन् । महिनावारी भएको बेला घरमा बस्दा देउता रिसाउने परम्परागत मान्यताका कारण आफूहरू यस्तोबेला गोठमा अलग्गै बस्ने गरेको उनले वताईन् ।

जिल्लाका अन्य विद्यालयमा पनि महिनावारी भएको बेला छात्रा र शिक्षिका बिद्यालय आउँदैनन् । तोलीमा रहेको तोली देवलडाँडा उमावि र जुकोटमा रहेको स्वार्मीकार्तिक माविमा पनि यो समस्या छ । सदरमुकाम नजिकै घर घरमा छाउगोठ छन् । बाजुरामा छाउपडी प्रथाले निकै जडो गाडेको नागरिक समाजका शेर बहादुर शाहीले बताउँछन् ।

छाउपडीका नाममा जिल्लामा बर्षेनी करोडौं बजेट खर्च भइरहेको छ । कागजमा छाउपडी उन्मुलन देखाएको भएपनि अवस्था भने जस्ताको तस्तै रहेको उनले वताए । जिल्लाका केही गाँउ छाउपडी गोठ मुक्त भनिएपनि ती गाँउमा अझै महिला गोठमा बस्दै आएका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: