महिलाको समान सहभागिता सुनिश्चत गर्न ‘राष्ट्रपति महिला उत्थान कार्यक्रम’


प्रकाशित मिति :2016-05-09 11:50:34

महिला खबर
काठमाडौं। सरकारले देशको आधा भन्दा बढी जनसंख्यालाई राष्ट्र निर्माणको हरेक तहमा समेट्न ‘राष्ट्रपति महिला उत्थान कार्यक्रम’ सञ्चालन गर्ने भएको छ। आर्थिक वर्ष २०७३ / ७४ को नीति तथा कार्यक्रममा आधा भन्दा धेरै जनसंख्या रहेका महिलाका हक अधिकार सुनिश्चित गर्दै राष्ट्र निर्माणका हरेक तहमा समान सहभागिता सुनिश्चित गर्न यो कार्यक्रम सञ्चालन गर्न लागेको उल्लेख छ।

राष्ट्रपति विद्या भण्डारीले व्यवस्थापिका संसदमा आईतवार प्रस्तुत गुर्नभएको नीति तथा कार्यक्रममा भनिएको छ ‘राष्ट्र निर्माणका हरेक तहमा समान सहभागिता सुनिश्चत गर्न, नेपाली महिलाको आर्थिक उन्नति र प्रतिष्ठा तथा सम्मान प्रर्वद्धन गर्न राष्ट्रपति महिला उत्थान कार्यक्रम सञ्चालन गरिने छ।’

कार्यक्रममा चेलीबेटी बेचविखन र सामाजिक प्रताडनाको अन्त्य गर्दै महिलाहरूको आत्मसम्मान र आर्थिक सामाजिक रुपान्तरणमा योगदान बढाउने गरी कार्यक्रम सञ्चालन गरिने उल्लेख छ।

हरेक ठाउँमा महिला शौचालय

कार्यक्रमले सार्वजनिक स्थान, कार्यालय र विद्यालयहरूमा अनिवार्य रुपमा महिला शौचालय हुनुपर्ने व्यवस्था गर्ने भनेको छ।

स्वास्थ्य सवयंसेविकाको भत्ता बृद्धि गरिने

नीति तथा कार्यक्रमको ८७ आैं बुँदामा महिला स्वास्थ्य सवयंसेविकाको सामाजिक योगदानको कदर गर्दै उनीहरूलाई दिईंदै आएको प्रोत्साहन खर्च बढाउने र उनीहरूलाई सामाजिक सुरक्षाको दायरमा ल्याइने उल्लेख छ। स्वास्थ्य सेवामा स्वयंसेवी संस्थाहरूलाई उत्प्रेरित गरिने पनि भनिएको छ।

प्रत्येक नागरिकलाई राज्यवाट आधारभुत स्वास्थ्य सेवा निःशुल्क प्राप्त गर्ने र स्वास्थ्य सेवामा समान पहुँच हुने मौलिक हकलाई कार्यान्वयन गर्न सरकार प्रतिबद्ध रहने उल्लेख छ। निःशुल्क आधारभुत स्वास्थ्य सेवा, औषधी वितरण, मातृ तथा नवजात शिशु, वाल स्वास्थ्य, प्रजनन् तथा सुरक्षित मातृत्वमा जोड दिइने छ। सुनौला हजार दिन कार्यक्रमलाई सघनरुपमा अघि बढाइनुका साथै सघन आकस्मिक प्रसूति सेवा र नवजात शिशु सेवालाई देशैभरि विस्तार गरिने कार्यक्रममा उल्लेख छ।

महिला बालबालिका तथा जेष्ठ नागरिकका लागि सामाजिक सुरक्षा कायक्रमहरू सन्चालन गरिने छ। जेष्ठ नागरिक दिर्घसेवा सम्मान तथा स्वास्थ्य विमा कार्यक्रम सुर गरिने कार्यक्रमले समेटेको छ। नीति तथा कार्यक्रममा परम्परागत सामाजिक कुरीति र कुप्रथाविरुद्ध अभियानलाई निरन्तरता दिइने भनिएको छ। पूर्ण अशक्त र अपाङ्गता भएका व्यक्तिको परिवारको एकजना सदस्यलाई हेरचाह सम्बन्धि र रोजगारमूलक तालिम दिइने छ। याेगमायाका नाममा अायुर्वेद विश्वविद्यालय स्थापनाकाे काम सुरु गर्ने  नीति तथा कार्यक्रममा उल्लेख छ ।

राष्ट्रपतिद्वारा संसदमा प्रस्तुत सरकारकाे १ सय ३८ बुँदे नीति तथा कार्यक्रमले  एक घर एक राेजगार,युवाहरुकाे उद्यमशीलता  विकास गरी युवा स्वराेजगार कार्यक्रम, शैक्षिक प्रमाणपत्रको अाधारमा  निर्व्याजी शैक्षिक ऋण उपलब्ध गराउने,  बेराेजगार युवाहरूलाई शैक्षिक प्रमाणपत्र धिताे राखी  परियाेजना प्रस्तावका अाधारमा सहुलियतपूर्ण ऋण उपल्ब्ध गराइनेलगायतका कुरा समेटिएको छ ।

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: