आत्महत्या गर्ने पुरुष बढी


आत्महत्याको प्रयास गर्नेमा महिला बढी

प्रकाशित मिति :2016-05-11 12:48:15

दुर्गा देवकोटा

टीकापुर । इलाका प्रहरी कार्यालय टीकापुरमा तीन वर्षको अवधिमा ५० जना महिलाले आत्महत्या गरेको तथ्यांक छ ।इलाका प्रहरी कार्यालय टीकापुरका प्रमुख तथा प्रहरी नायव उपरीक्षक गौतम मिश्रले  घरेलु हिंसा, अपहेलना, अनमेल विवाह, दाइजो, बोक्सीको आरोप जस्ता कारणले आत्महत्या गरेको बताउनुभएको छ ।

प्रहरी नायव उपरीक्षक मिश्रले महिलाको आत्महत्याको अवस्था र न्यूनिकरण विषयक टिकापुरमा आयोजित अन्र्तक्रिया कार्यक्रममा कार्यपत्र प्रस्तुत गर्दै  यो तथ्याकं सार्वजनिक गर्नुभएको हो । उहाँले सामाजिक, शारीरिक, राजनैतिक कारणले समाजमा आत्महत्याका घटना हुने गरेको प्रहरीमा आएका घटनामध्ये बढी सामाजिक कारणले भइरहेको बताउनुभयो ।

प्रहरीको तथ्यांकमा महिलाको तुलनामा आत्महत्या गर्ने पुरुषको संख्या बढी छ । तीन वर्षको अवधिमा एकसय ६ जना पुरुषले आत्महत्या गरेको अभिलेख आफूहरूसँग रहेको मिश्रले जानकारी दिनुभयो । तर, आत्महत्याको प्रयास गर्ने महिलाको संख्या भने धेरै रहेको उहाँको भनाइ थियो । टीकापुर अस्पतालमा २०६७ सालदेखि हालसम्म आत्महत्या गर्न विष सेवन गरी उपचारमा आएका महिला दुई सय ७८ जना छन् भने पुरुष एक सय ६० जना रहेका छन् ।

आत्महत्याका घटना न्यूनिकरण गर्न प्रहरी, सामाजिक संघसंस्था, परिवार, अभिभावक, समाज र सरकार जिम्मेवार बन्नुपर्ने कार्यक्रमका सहभागीले बताए  । उनीहरूले आत्महत्या न्यूनिकरण गर्न जनचेतना फैलाउन र त्यस्ता व्यक्तिलाई परामर्शको आवश्यकता रहेको बताएका थिए । साना साना समस्या लिएर आउने सेवाग्राहीलाई  समेत गम्भिरताका साथ सहयोग गर्न प्रहरीलाई सहभागीले अनुरोध गरेका छन् ।
कार्यक्रम ओरेक नेपाल धनगढी कैलालीको आयोजना तथा इलाका प्रहरी कार्यालय टीकापुरको सह आयोजनामा भएको हो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: