जुम्लामा गर्भवतीले एचआइभी जाँच गराउने चलन बढ्दै


प्रकाशित मिति :2016-05-12 12:54:24

रमेश रावल
कालिकोट । जिल्लाका १ हजार ६ सय ३४ जना गर्भवती महिलाले एचआइभी संक्रमण सम्बन्धी रगत परिक्षण गराएको जिल्ला स्वास्थ्य कार्यालय जुम्लाले जनाएको छ ।

नेपाल सरकारले लागु गरेको आमाबाट बच्चामा सर्ने एचआइभी रोकथाम तथा संक्रमण सम्बन्धी कार्यक्रम अन्र्तगत जुम्लाका गर्भवती महिलाले रगत परिक्षण  गराएका हुन् । एचआइभी संक्रमण भए नभएको परिक्षण गराएका १ हजार ८ सय गर्भवतीमध्ये कुनैमा पनि एचआईभीको संक्रमण नभेटिएको जिल्ला स्वास्थ्य कार्यालय जुम्लाका बरिष्ठ अहेब तथा एचआईभी एड्स तथा यौन रोग सम्पर्क व्यक्ति क्षेत्रबहादुर महतले बताए ।

‘स्वास्थ्य  संस्थाबाट ९ सय ५६ र जिल्लाको डिल्लीचौर, कुडारी र सिंजा क्षेत्रमा ६ सय ७८ जना गर्भवतीको एचआइभी संक्रमण सम्बन्धी रगत परिक्षण गरिएको थियो’ उनले भने–‘तिनीहरूमध्ये कसैलाई  पनि एचआइभी संक्रमणको लक्षण भेटिएन् ।’

युनिसेफ नेपालको आर्थिक सहयोगमा नेपाल सरकारले यो कार्यक्रम देशभरका स्वास्थ्य संस्थामा संचालन गरिरहेको छ । नेपाल सरकारले आमाबाट बच्चामा सर्न सक्ने एचआईभी संक्रमणको रोकथाम गर्ने उद्देश्यले यो कार्यक्रम लागु गरेको हो ।

जिल्लामा रहेका ३१ वटा स्वास्थ्य संस्था तथा एमसिएच क्लिनिक र कर्णाली स्वास्थ बिज्ञान प्रतिष्ठान जुम्लामा गर्भवती महिलाको एचआइभी संक्रमण सम्बन्धी रगत परिक्षण भईरहेको जिल्ला सवस्थ्य कार्यालय जुम्लाले जनाएको छ ।

गर्भवती महिलालाई गर्भावस्थामा नै एचआइभी संक्रमण सम्बन्धी रगत परिक्षण गर्न समेत कार्यालयले आग्रह गरेको छ । आमा एचआईभी संक्रमित भएमा संक्रमित आमाबाट जन्मने बच्चा पनि संक्रमित भई अकालमा मुत्यु हुनबाट बचाउन गर्भावस्थामै आमाको रगत परिक्षण गर्नुपर्ने एमसिएच क्लिनिक जुम्लाका अनमी हिमाली खत्रीले बताइन् । ‘गर्भ अवस्थामै आमा संक्रमित छन् भन्ने थाहा भयो भने  आमालाई  एआरटी दिन शुरु गरेमा बच्चालाई अकालमा मुत्यु हुनबाट बचाउन सकिने सकिन्छ ।’ उनले भनिन् ।

एमसिएच क्लिनिकमार्फत हालसम्म १ सय ६४ गर्भवती महिलाको एचआईभी संक्रमण सम्बन्धी रगत परिक्षण गरिएको जनाइएको छ । पहिले  एचआईभी संक्रमण सम्बन्धी रगत परिक्षण गर्नुपर्छ भन्दा महिला डराउँथे, तर एचआईभी परिक्षण सम्बन्धी जानकारी पाएपछि अहिलेभने स्वयंम् एचआईभी संक्रमण सम्बन्धी रगत परिक्षण गर्छु भनि आउने गरेको खत्रीले बताइन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: