वहिनी वेच्ने दिदीलाई ४५ वर्ष जेल


छोरी पनि बेचेको आशंका

प्रकाशित मिति :2016-05-13 11:59:35

पार्वती पाण्डे

खोइटी रुम्बा

खोईटी रुम्बा

 कपिलवस्तु । आफ्नै नाबालिका बहिनी उर्मिला (नाम परिवर्तन) लाई  भारतको ईलाहाबादमा बेचेकी एक महिलालाई जिल्ला अदालत कपिलवस्तुले  ४५ वर्ष कैद र ४ लाख रुपैयाँ जरिवानाको सजाय तोकेको छ ।

चेलीबेटी बेचविखन  मुद्दामा चितवनको भरतपुर नगरपालिका ११ जरोनकी खोईटी रुम्बालाई अदालतले सो सजाय तोकेको हो ।  अदालतले पीडितलाई २ लाख रुपैयाँ क्षतिपुर्ति भराउन समेत आदेश दिएको छ । मानव बेचबिखन तथा नियन्त्रण ऐन २०६४ अनुसार खोईटीलाई हदैसम्मको सजायको फैसला गरेको हो ।

नुवाकोटको खडकभन्ज्याङकी १५ वर्षीया आफ्नै वहिनीलाई रुम्वाका श्रीमान श्रीलालसहित ४ जना मिलेर भारतको ईलाहाबादीस्थित कोठीमा भारतीय रुपैयाँ ३० हजारमा २०६९ सालमा बेचेका थिए ।

अदालतले बालिका बेचविखनमा  २० वर्ष कैद र २ लाख रुपैयाँ जरिवाना, बेश्याबृत्तिमा लगाएकोमा थप १५ वर्ष थप कैद र १ लाख रुपैयाँ जरिवाना तथा ओसरपोसारमा संलग्न रहेकोमा १० वर्ष कैद र १ लाख जरिवना गरी ४५ वर्ष कैद र ४ लाख रुपैयाँ जरिवाना तोकिएको अदालतका शाखा अधिकृत हेमन्त ज्ञवालीले जानकारी दिनुभयो  ।

न्यायधिश बालमुकुन्द दवाडीको एकल ईजलासले बेचबिखनमा बढी सजाय तोकिएको  यो नै जिल्लाको पहिलो मुद्दा रहेको उहाँले बताउनुभयो । घटनामा संलग्न रहेका फरार अभियुक्तहरू नुवाकोटका श्रीलाल थिङ, खरखण्ड लामा र साईला थिङको मुद्दा मुल्तबी राखिएको छ ।

उनीहरूले २०६९ साल साउनमा घुमाउने र राम्रो लुगा किनिदिने भन्दै ललाईफकाई  उर्मिलालाई चितवन, बुटबलको बाटो हुँदै सीमावर्ती क्षेत्र कृष्णनगरबाट ईलाहाबाद पुर्‍याएका थिए  । दिदी बिरामी भएको र घुमाउने बहानमा उर्मिलालाई श्रीलालले आफूसँगै लगेका थिए । सुरुमा कलकत्ता पुर्‍याईकी उनको  त्यहाँ मोलमोलाई हुन नसकेपछि ईलाहाबाद लगिएको थियो । ईलाहाबादमा रहेका एक कोठीमा उनलाई ३० हजार भारुमा बिक्री गरी चारै जनाले दामासहीले रकम बाँडेको थिए ।

३ वर्षसम्म उर्मिलाले कोठीमा नारकीय जीवन बिताएकी थिईन । २०७२ बैशाख १२ गते भूकम्प आएका बेला कोठीबाट उर्मिला भाग्न सफल भएकी थिईन् । भारतीय प्रहरीको सहयोगमा नेपाल मित्र समाज र सी डब्लु सी नामक संस्थाको प्रयासमा नेपालको शान्ति पुर्नस्थापना केन्द्रले उनलाई त्यहाबाट उद्धार गरी नेपाल ल्याइ जिल्ला अदालत कपिलवस्तुमा मुद्दा दायर गरेको   थियो । उर्मिला कै बयानका आधारमा भरतपुरबाट प्रहरीले खोईटीलाई पक्राउ गरेको थियो ।

२०७२ जेठमा उर्मिलाका मामा सुर्य तामाङले ती चारजना अभियुक्तविरुद्ध जाहेरी  दिएका थिए । आफूलाई  बेचेको डेढ  महिनापछि नै खोईटीले आफ्नै नाबालिका छोरीलाई समेत बिक्री गरेको उर्मिला बताउँछिन् । बेचिएकी छोरीको अहिलेसम्म अत्तोपत्तो छैन ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: