‘म खाना मिठो पकाउँछु’ –उदय सोताङ


प्रकाशित मिति :2016-05-13 16:54:39

Sequence 03.Still001

वसन्ती बास्तोला

एकै रथका दुई पाङग्रा हाम्रो जिन्दगानी,
तिमी आगो बन्यौ भने म बनुला पानी
तिमी मेरो मनको राजा, म त तिम्रो रानी
दुनियाले डाहा गर्ने बनाउ, जिन्दगानी

गायक उदय सोताङ र मनिला सोताङको यो सन्देशमुलक गीतमा जस्तै उनीहरूको दैनिक जीवनमा समेत एकले अर्कोलाई सहयोग गर्छन् । यो महिलाले गर्ने या पुरुषले भनेर काम छुट्याईदैन । तर कामको बाँडफाड हुन्छ । यही कारणले नै उनीहरूको जीवन गीतमा जस्तै दुनियाले डाहा गर्ने खालको छ ।

यसको रहस्य हो घरको काम मिलेर गर्नु ।  सवै काम श्रीमान, श्रीमती मिलेर गर्ने र खाना मिठो पकाउने उदयले बताए । भने ‘मलाई घरको सवै काम गर्न आउँछ, खाना मिठो पकाउँछु, मैले पकाएको सवैले मिठो मानेर खान्छन् ।’  घरको सवै काम गर्न आउँछ । उदयको कुरालाई पुष्टि गर्दै मनिला सोताङले भनिन् ‘उहाँले घरको सवै काममा साथ दिनुहुन्छ ।’ विवाह गरेर आएदेखि नै उदयले सहयोग गर्ने गरेको मनिलाले बताईन ।
Sequence 03.Still002
महिलाले घर बाहिर काम गर्नुहुँदैन भन्ने मान्यता परिवर्तन भएको छ । तर पुरुषले घरको काम गर्नुहुँदैन भन्ने मान्यता भने परिवर्तन भएको छैन । यसै कारण महिला दोहोरो कामको मारमा छन् । घरको काममा सहयोग भएन भने महिलाले बाहिरको काममा प्रतिष्पर्धा गर्न सक्दैनन् । श्रीमान, श्रीमती सफल हुन एक अर्काको साथ चाहिने धेरै दम्पत्तीको धारणा छ ।

समकोण कार्यक्रमको ‘सह–अस्तित्व र साझेदारी : हामी दम्पत्तिको जिम्मेवारी’  विषयक वहसमा बोल्दै धेरै जोडीले यस्तो धारणा व्यक्त गरेका हुन् । तिनै मध्येका एक हुन् राष्ट्रिय सूचना आयोगका प्रमुख आयुक्त कृष्णहरि बाँस्कोटा । घर पुछ्ने र पाहुँनालाई खाजा बनाउने काम आफैँले गर्दै आएको उनले बताए ।  भने ‘घर बढार्ने र खाना पकाउने काम म नै गर्छु ।’ प्रधानमन्त्री भाको होस्, मन्त्री भाको होस, अथवा सचिव भाको होस, मैले श्रीमतीलाई हेप्छु म त एकदम खानासाना पकाउन जान्दिन भन्छ भने त्यो पदको निम्ति नै योग्य नै नहुने बाँस्कोटाको ठम्याइ छ । उनले भने ‘चिया पकाउन नजान्ने सचिवले के मन्त्रालय चलाउँछ ?’ बाँस्कोटाको कुरालाई पुष्टि गर्दै उनकी श्रीमती सुनिता बाँस्कोटाले भनिन् ‘म उँठ्दा किचनको र खानाको वेश तयार भइसकेको हुन्छ, मलाई चिया नि उहाँले नै बनाइदिनुहुन्छ ।’ श्रीमानको सहयोगले  आफू सफल भएको सुनिताले बताईन् ।

सवै काम गर्न नभ्याए पनि आफूले पनि भान्सामा श्रीमतीलाई सहयोग गर्ने गरेको एमाले सचिव योगेश भट्टराईले बताए । भने ‘मैले श्रीमतीलाई भ्याएसम्म सहयोग गर्छु ।’ विस्तृतमा थाँहा पाउन आज शुक्रबार राती ९ बजे कान्तिपुर टिभीमा समकोण कार्यक्रम हेर्नुहोला ।

    Comment Here!

Related NEWS
मुख्य खबर

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

Read more
© 2015.All rights reserved by mahilakhabar.com
%d bloggers like this: