ठेला गाडा पाएपछि मख्ख छन् देसुमाया


प्रकाशित मिति :2016-05-18 11:35:28

महिला खबर
दोलखा । नाङ्लोमा राखेर चटपटे र पानीपुरी बेच्थिन् देसुमाया । तर एक्कासि उनले ठेलागाडा पाइन् । अहिले दोलखा मार्वुकी देसुमाया राई शेर्पालाई काम गर्न पहिले भन्दा धेरै सहज भएको छ ।

‘अरुको पसल अगाडिको पेटीमा नाङ्लोमा चटपटे र पानीपुरी राखेर बेच्नुपर्दा निक्कै समस्या भइरहेको थियो अहिले सजिलो भयो’ उनले भनिन् ।

Thela gadass

बुढेसकालमा समेत युवा जोशका साथ आफ्नै व्यवसाय गरेको देखेर घरेलु तथा साना उद्योग विकास समिति दोलखाको समन्वयमा शिघ्र उद्यम पुर्नरुत्थान कार्यक्रम संगम दोलखा शाखाले व्यवस्थित व्यवसाय गर्न उनलाई ठेला गाडा किनिदिएको हो । ठेलागाडा पाएपछि उनी भन्छिन् ‘अघि काम गर्ने जोश जाँगर भएपनि मैले सफा तरिकाले चट्पटे बेच्न सकेकी थिईनँ, अब चटपटे र पानीपुरीसँगै अन्य सामान थपेर बेच्न सजिलो हुन्छ ।’

अहिले चटपटे बेचेर उनले दैनिक चार पाँच सय रुपैयाँ आम्दानी गर्छिन् । अब ठेलागाडा भएपछि व्यवसाय बढ्ने कुरामा देसुमाया  आशावादी छन् । ‘अहिले खर्च कटाएर मासिक ५ हजारसम्म बचाउन सकेकी छु, यसले जेनतेन घर खर्च चलेको छ अब ठेलागाडामा व्यवसाय सुरु गरेपछि ग्राहकलाई सफा खान दिएर सन्तुष्ट पार्दै आम्दानी बढ्ने र केही पैसा जोगाउने आशमा छु’ – देसुमायाले भनिन् ।

शिघ्र उद्यम पुर्नरुत्थान कार्यक्रम संगम दोलखाले देसुमाया जस्तै साना उद्यम गर्ने अन्य महिला व्यवसायीलाई प्रोत्साहन गर्न ठेला गाडा वितरण गरेको छ । घरेलु तथा सानो उद्योग विकास समिति दोलखाका प्रमुख मणीराम नेपाल परम्परागत व्यवसाय गर्दै आएका महिला व्यवसायीलाई आधुनिक तथा व्यवस्थित व्यवसायका लागि प्रोत्साहित गर्न ठेला गाडा वितरण गरेको बताउनुहुन्छ । कार्यक्रमले वैशाख गतवर्ष २९ गतको भूकम्पको केन्द्रविन्दु रहेको दोलखाको सिंगटीलगायतका बजारमा  ठेलागाडा वितरण गरेको उक्त कार्यक्रमका दिपक पौडेलले जानकारी दिनुभयो ।

घरेलु तथा साना उद्योग विकास समितिका प्रमुख नेपालका अनुसार घरेलु तथा साना उद्योग विकास समिति दोलखाले प्रोत्साहनको लागि बिभिन्न कार्यक्रम सञ्चालन गर्न लागेपछि महिला उद्यमीको संख्या समेत बढेको छ । कार्यालयकोे तथ्याङ्क अनुसार आर्थिक वर्ष २०७२/७३ को वैशाख मसान्तसम्म दर्ता भएका ३ सय ३१ वटा उद्योग मध्ये १ सय १२ वटा उद्योेग महिलाका नाममा छन् ।

नेपालका अनुसार सबै भन्दा बढी कृषि तथा पशुपालनमा ४२ ओटा उद्योग दर्ता छन्  । त्यसैगरी होटल, सिलाई उद्योग, चाउचाउ, कपास, ट्राउट माछा फर्म, अटो ओर्क शप, व्युटिपार्लर, अगरवत्ति उद्योग, साबुन उद्योग र राईस मिल दर्ता गरेर महिलाले उद्योग सञ्चालन गरेका छन् । त्यसैगरी महिला र पुरुषको साझेदारीमा ९ ओटा उद्योग दर्ता भएको कार्यालयले जनाएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: