संक्रमितका बालबालिकालाई शैक्षिक सामग्री वितरण


प्रकाशित मिति :2016-05-22 14:57:11

दुर्गा देवकोटा
कैलाली। नवजीवन एकता समाज टीकापुरले एचआइभी संक्रमितका बालबालिकालाई शैक्षिक सामग्री वितरण गरेको छ । समाजले संक्रमितका बालबालिकाको शैक्षिक विकासमा सहयोग पुर्‍याउने उद्देश्यले विद्यार्थीलाई आवश्यक पर्ने झोला, कापी, किताव, जमेट्री बक्स, टिफीन बक्स लगायतका सामग्री वितरण गरेको हो ।

bal

समाजले जिल्ला विकास समिति कैलालीको सहयोगमा विपन्न परिवार छनौट गरेर ३० जना बालबालिकालाई शैक्षिक सामग्री वितरण गरेको नवजीवन एकता समाजका अध्यक्ष जगत भण्डारीले बताउनुभयो । अध्यक्ष भण्डारीले स्थानीय निकायले संक्रमित र संक्रमितका बालबालिकाको स्वास्थ्य, शिक्षामा लगानी गर्न सकेमा उनीहरु समाजमा दरिलो भएर आउन सक्ने बताउनुभयो । उहांले भन्नुभयो–‘एचआइभी संक्रमित बालबालिका धेरैको अभिभावक छैनन् । अधिकांश बुवा गुमाएका छन् । त्यसकारण पनि उनीहरुको आर्थिक अवस्था कमजोर भएकाले सहयोग आवश्यक छ ।’ अध्यक्ष भण्डारीले संक्रमितका बालबालिकाको उपचारमा पनि त्यत्तिकै समस्या भएकोले स्वास्थ्य संस्थाले उपचारमा रगत जस्ता अत्यावश्यक कुरामा सहुलीयत दिन सके उनीहरुलाई ठूलो राहत हुने बताउंदै भन्नुभयो–‘संक्रमित र उनीहरुका बालबालिकालाई सबैले सहयोग गरौं ।’

balbika (1)

कार्यक्रममा टीकापुर नगरपालिकाका सामाजिक विकास शाखा प्रमुख देवीप्रसाद आचार्यले संक्रमित र उनीहरुका बालबालिकाको सहयोगका लागि टीकापुर नगरपालिकाले रेडक्रससंग समन्वय गरेर उपचार कोष खडा गरिदिएको जानकारी दिनुभयो । उहांले उपचार कोषमा करिव दुई लाख रुपैया जम्मा भइसकेको बताउंदै त्यो रकमको ब्याजबाट उठेको रकम उपचारमा खर्च गरिने बताउनुभयो । आचार्यले भन्नुभयो–‘उपचार कोषमा नगरपालिकाले बर्षेनी रकम थप गर्नेछ । त्यसलाई १० लाखसम्म पुर्‍याउने योजना छ ।’ आचार्यले संक्रमितका बालबालिकालाई उपलब्ध गराइएको शैक्षिक सामग्रीको सदुपयोग गर्न समेत आग्रह गर्नुभयो ।

नवजीवन एकता समाज संक्रमितहरुको संगठित संस्था हो । यसले संक्रमितका समस्या, संक्रमितको अधिकार, उपचार, उनीहरुका बालबालिकाको शैक्षिक विकासका क्षेत्रमा काम गर्दै आएको छ । समाजले संक्रमितका बालबालिकाको शैक्षिक विकासका लागि टीकापुरका तीन वटा होटलमा दान पेटिका समेत राखेको छ । जसबाट उठेको रकम बालबालिकाको शिक्षामा खर्च गर्ने गरेको छ । समाजले संक्रमितका बालबालिकालाई विद्यालयले निशुल्क शिक्षा दिनुपर्ने माग गर्दै आएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: