संसदमा महिलाका लागि आरक्षणको कानुनमा सहमति जुटेनः भारतिय विद्युतमन्त्रि


प्रकाशित मिति :2016-05-22 23:01:59

दुर्गा कार्की

भारतिय बिद्युतमन्त्रि गाेयल नेपाली पत्रकारसँग कुरा गर्दै

भारतिय बिद्युतमन्त्रि गाेयल नेपाली पत्रकारसँग कुरा गर्दै

नयाँ दिल्ली । भारतिय विद्युतमन्त्रि पीयूष गाेयल भारतको संसदमा ३१ प्रतिशत महिला सहभागिताका लागि बन्न लागेको कानुनमा सवै दलको सहमति नहुँदा यो कानुनलाई ल्याउन नसकिएको बताउनुभएको छ । भारत भ्रमणमा रहेकाे नेपाली पत्रकारहरूको टोलीसँग नयाँ दिल्लीस्थित उर्जा, कोइला तथा नवीकरणीय उर्जा मन्त्रालयमा कुरा गर्दै भारतीय जनता पार्टीका नेता तथा मन्त्री गोयलले भन्नुभयाे ‘भारतीय संसदमा महिलाका लागि कुनैपनि आरक्षण छैन, उनीहरूको ३१ प्रतिशत सहभागिताका लागि बन्न लागेको कानुनमा सबै दलको सहमति भएन र त्यो कानुन बन्न सकेन ।’ तर यसमा सहमति जुटाउने प्रयास भने जारी राखेको उहाँले बताउनुभयो

भारतिय स्थानीय निकायमा भने ३३ प्रतिशत आरक्षणको व्यवस्था गरिएको र भारतिय जनता पार्टीको नीति समेत यही रहेको उहाँको भनाइ थियो ।

वर्तमान समस्या ‘टेम्पोररी सेटव्याक’

उहाँले नेपाल भारत सम्बन्ध अत्यन्तै आत्मिय भएकाले यो कसैले चाहेर पनि विग्रन नसक्ने प्रतिक्रिया दिनुभयो । उहाँले भन्नुभयो ‘भारत र नेपाल दुई अंग एक शरीर हुन्, नेपालीको इज्जत र स्वाभिमानमा भारतका तर्फबाट कुनै सन्देह आवश्यक छैन । भारत  ‘बिग ब्रदर’ हुन खोज्यो भन्ने जुन आम सोचाइ छ, यो सरासर गलत हो र हामी सधैँ नेपाललाई एक बराबर र समान हैसियतमा हेर्छौ, भारतबाट नेपालको सार्वभौमसत्तामा कुनैपनि खतरा छैन ।’

नेपाल भारतवीच वर्तमान समस्या ‘टेम्पोररी सेटव्याक’ भएको भन्दै उहाँले दुवै देशका नेताको दिल सफा भएको र यो जनता जनतावीचको सम्बन्ध भएकाले यो सम्बन्ध विग्रन नदिने उहाँको भनाइ थियो । कहिलेकाही समसया हुन्छ यसलाई पछि छोडेर अघि बढ्नुपर्छ, अहिलेको समस्याको समाधान वार्ताबाटै हुन्छ, यसका लागि हामी कहिल्यै पछि हट्दैनौं, हामी सुधार गर्छौ’ उहाँले भन्नुभयो ।

उर्जा क्षेत्रमा सहकार्य जारी छ

नेपालको उर्जा क्षेत्रमा विगत दुई वर्षमा धेरै काम भएको उहाँले स्पष्ट पार्नुभयो । अरुण तेस्राे र माथिल्लाे कर्णालीलाई अघि बढाउने सहमति भएको उहाँको भनाइ थियाे । ‘नेपालका प्रधानमन्त्री केपी अाेलीकाे भारत भ्रमणका क्रममा ५ हजार मेगावाटको पञ्चेश्वर परियाेजना अघि बढाउने सहमति दुई देश बीच भएको छ’ उहाँले भन्नुभयाे ।

भारतको मजफ्फरपुरबाट अहिले दिइरहेको ८० मेगावाट विजुली आगामी वर्ष दुईसय मेगावाट बनाउने र अर्को वर्ष यसलाई बढाएर ६ सय पुर्याइने  जानकारी उहाँले दिनुभयो ।

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: