पहिचान खोज्दै कमैया महिला


प्रकाशित मिति :2016-05-26 16:19:11

दुर्गा देवकोटा
टीकापुर।  मुक्त कमैया महिलाले पहिचानको माग गर्दै टीकापुरमा जागरण सभा गरेका छन् । सरकारको उदासिनताका कारण कमैया महिलाको पहिचान हुन नसकेको भन्दै जागरण अभियान शुरु गरेको बताएका छन् । अभियानमा संलग्न सहभागी मुक्त कमैया महिलाले विभेदमा परेका कमैयाहरुले अहिलेसम्म पनि सम्पत्तीमा अधिकार जमाउन नसकेको बताए ।

kamaiya

उनीहरुले पुरुष कमैया, कम्लहरीहरुको पहिचान भएपनि आफूहरुको पहिचान नभएकोले अधिकारका लागि जागरण अभियान शुरु गर्न बाध्य भएको बताएका छन् । कार्यक्रममा बोल्दै सहभागी फूलमति चौधरीले सरकारले कमैया, कम्लहरी महिलालाई मुक्त गरेपनि आफै अन्यायमा पारेको आरोप लगाइन् । उनले भनिन ‘सरकारले कसैलाई २, कसैलाई ५, कठ्ठाका दरले जमिन दियो, तर श्रीमानको नाममा । खै महिलालाई ?’
मुक्त कमैया समाज कैलालीका सदस्य मिना कठरियाले कमैया महिलाहरु मुक्त भएपनि अझै समस्यामा रहेको बताउनुभयो । उनले सरकारले मुक्त कमैयाका बालबालिकालाई निशुल्क शिक्षा दिने भनेपनि कार्यान्वयनमा समस्या रहेको बताइन । सरकारले घोषणा गरेको निशुल्क शिक्षाले केवल राम्रो सुन्नको लागि मात्र भएको भन्दै उनले–‘विद्यालयमा शुल्क लिइदैन तर भर्ना लिइन्छ । कापीकिताब, भर्ना, ड्रेसको खर्च कसरी जुटाउने ?’

अझै पनि मुक्त कमैया, कमलहरीको छोराछोरी आर्थिक अवस्थाका कारण विद्यालयमा जान नसकेको उनीहरुको भनाई छ । मुक्त कमैया महिला समाजका केन्द्रीय कोषाध्यक्ष केवलपति चौधरीले १६ बर्षसम्म मुक्त भएपनि पहिचान हुन नसक्दा थप समस्यामा परेको बताए । उनले कमैया महिलालाई पनि परिचय पत्र र सुविधाको दिनुपर्ने पहिचान नगरिए आन्दोलन गर्ने चेतावनी दिएका छन् ।कमैया महिला जागरण समाज कैलालीका अध्यक्ष दिलरानी चौधरीले २०५७ सालमा बन्धन हटेपनि समस्या नहटेको बताइन् । उनले स्थानीय निकायले कमैया महिलाका लागि बजेटको व्यवस्था गर्न आवश्यक रहेको औल्याएकी छन् ।

नेपाली कांगे्रसका क्षेत्रीय सभापति भुवनेश्वर अधिकारीले महिलाको पहिचानको मागमा आफूहरु सधै सहयोगीको भूमिकामा रहने बताए । उनले कमैया महिला र पुरुष दुबैको पहिचान हुन जरुरी रहेको बताए । कार्यक्रममा मुक्त कमैया समाज कैलालीका अध्यक्ष जितबहादुर चौधरीले कमैया महिलालाई सशक्त बनाउन स्थानीय निकाय, राजनीतिक दल र समुदाय सबैको सकारात्मक सहयोग हुनुपर्ने बताए । कमैया महिला जागरण समाज कैलालीले बिहिबार टीकापुरबाट शुरु गरेको जागरण सभा जेठ १८ गते धनगढीमा समापन गर्ने जनाएको छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: