महिलालाई प्रसुति सेवा निशुल्क


प्रकाशित मिति :2016-05-29 15:53:36

महिला खबर

ललितपुर । अर्थमन्त्री विष्णु पौडेलले प्रस्तुत गरेको आर्थिक वर्ष ०७३÷७४को बजेटमा महिलालाई निशुल्क प्रसुति सेवा उपलब्ध गराउने कार्यक्रम सार्वजनिक गरिएको छ । बजेटमा सघन आकस्मिक सेवा र नवजात शिशु सेवालाई ७५ जिल्लामा विस्तार गरिने छ । आमा र बच्चाको पोषण सुनिश्चित गर्न सुनौलो हजार दिनलाई थप प्रभावकारी बनाइने छ । महिला स्वास्थ्य एवं स्वयंसेविकाको सामाजिक योगदानलाई कदर गर्दै उनीहरुलाई प्रदान गर्दै आएको पोशाक खर्च रु १५ सयले वृद्धि गरेको छ । साथै उनीहरुको स्वास्थ्य विमाको प्रबन्ध गरेको छ । आगामी आर्थिक वर्ष ७ लाख बालबालिकाको लागि ११ प्रकारका रोगविरुद्धको खोप निशुल्क लगाइने छ ।

महिला उत्थान लैँगिक विभेदको अन्त्य सिप तथा उद्यमशीलता विकास, प्राज्ञिक अनुसन्धान वृद्धि लगायतका महिला सशक्तीकरणका कार्यक्रमहरु अघि बढाउन आगामी आर्थिक वर्षदेखि राष्ट्रपति महिला उत्थान कार्यक्रम सञ्चालन गर्ने व्यवस्था गरिएको छ । महिलाको व्यवसायीक दक्षता विकासको लागि सिपविकास तथा अभिमुखीकरण सम्बन्धि तालिम प्रदान गरिने छ । महिलाको उद्यमशीलताको विकास गरी स्वरोजगारको लागि सहयोग स्वरुप वीउ पू“जी उपलब्ध गराइने छ । महिलाको स्वामित्वमा आएको घर जग्गा तीन वर्ष भित्र विक्री गर्दा स्वामित्व प्राप्त गर्दा पाएको छुट रकम फिर्तँ गर्ने व्यवस्था हटेको छ । घरेलु हिंसा, लैगिंक हिंसामा परेर वेवारिसे महिलालाई उद्धार गरि सुरक्षित राख्न अल्पकालीन पुर्नस्थापना गृहको विस्तार गरिने छ । बालविवाह, दाइजो प्रथाबाट श्रृजना हुने महिला हिंसाको विरुद्ध किशोरी शिक्षा र सिपविकासका कार्यक्रमहरु प्रदान गरिने छ ।

जातीय भेदभाव तथा छुवाछुत उन्मुलन उच्चस्तरीय समिति गठन गरिने छ । आगामी जेष्ठ देखि एकल महिला, विधवा महिला, अपांगता भएको व्यक्ति र लोपोन्मुख आदीवासी जनजातीलाई प्रदान गरिने सामाजिक सुरक्षा भत्ता दोव्बर गरेको छ । यसका लागि रु ३२ अर्ब ७० करोड विनियोजन गरेको छ । सबै क्षेत्रका विपन्न परिवारका दुई बालबालिकाले क्रमश बाल अनुदान प्राप्त गर्दै जाने व्यवस्था मिलाएको छ । एक प्रदेश एक मेडिकल कलेजको अवधारणा अगाडी बढाइने छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: