पाकिस्तानमा श्रीमती पिट्न पाउनुपर्ने कानुनको मस्यौदा सार्वजनिक


प्रकाशित मिति :2016-05-30 15:05:36

महिला खबर
एजेन्सी । पाकिस्तानी शक्तिशाली संवैधानिक निकाय काउन्सिल अफ इस्लामिक आइडियोलोजी (सी आइ आइ) ले  श्रीमानले भने अनुसार लुगा नलगाए र संभोग गर्न अस्विकार गरे  श्रीमतीलाई पिट्न पाउनुपर्नेे  विधेयकको मस्यौदा प्रस्ताव गरेको छ । (सी आइ आइ) ले  यस्तो सुझावसहितको विधेयक तयार गरेको एनवीसीले  न्युजले जनाएको छ । १६० पृष्ठ विधेयकको मस्यौदालाई अन्तिम रुप दिनुअघि  स्वीकृतकालागि सवैभन्दा धेरै जनसंख्या भएको पञ्जाव प्रान्तीय सभामा  पठाइने   छ ।

मस्यौदामा पुरुषले महिलाका सिमित अंगमा मात्रै हिंसा गर्न पाउने कुराको पनि वकालत गरेको छ ।

सीआईआइका अध्यक्ष मौलाना मोह्मबद खान सेरानी

सीआईआइका अध्यक्ष मौलाना मोह्मबद खान सेरानी

महिलालाई त्यस्तो भागमा पिट्ने जहाँ छाला न धेरै बाक्लो होस वा पातलो ।  जुत्ताले हान्न नपाउने, टाउकोमा कुचोले हान्न नपाउँने, आँखा, नाकमा हान्न नपाइने र  हड्डी नभाँचिने र कुनै प्रकारको दाग नआउने गरी मात्र पिट्न पाउनुपर्ने कुरा मस्यौदामा उल्लेख गरिएको छ ।

महिलालाई धार्मिक उत्तरदायित्वको बोध गराउनलाई यस्तो कानुनको मस्यौदा ल्याइएको सी आइ आईले जनाएको छ । उक्त मस्यौदामाथि काउन्सिल अफ इस्लामिक आइडियोलोजी कै पुर्व सदस्यलगायत  पाकिस्तानी सञ्चार माध्यम र मानवअधिकारवादीहरूले आपत्ति जनाएका छन् ।

 ‘सिमित हिंसा र हल्का कुट्ने भनेको के हो ? टाउको नकाट तर, जलाउ भनेको हो ?’ काउन्सिल अफ इस्लामिक आइडियोलोजीका पुर्व सदस्य अलाम ताहिर अश्रफी प्रश्न गर्छन् । काउन्सिल अफ इस्लामिक आइडियोलोजीले इस्लाम धर्ममा हिंसा क्षम्य छैन भन्ने कुरा गरेपनि काम भने त्यसको उल्टो गरिरहेको आरोप लगाए ।  उनले भने ‘महिलामाथि भइरहेको बलात्कार, आत्महत्या र बढिरहेको सम्बन्ध विच्छेदका बारेमा सी आइ आइ बोल्नुपथ्र्यो ।’ अश्रफी अहिले पाकिस्तानी धार्मिक बुद्धिजीवि आवद्ध रहेको काउन्सिलका सदस्य छन् ।

पन्जाव प्रान्तका कानुन मन्त्री राना सनाउल्लाहले समेत यस्तो विधेयककोे विरोध गरेका छन् । उनी  भन्छन् सी आइ आइले हल्का पिटाइ घातक हुँदैन भन्ने कुराको सुनिश्चित कसरी गर्न सक्छ ?’

अघिल्लो दिन पन्जाब प्रान्तमा महिलालाई बृहत हक अधिकार र सुरक्षा दिइनुपर्ने प्रगतिशिल  विधेयकको प्रतिक्रिया दिँदै (सी आई आई) आफ्नो सो  विधेयकको मस्यौदा सार्वजनिक गरेको हो ।

उक्त धार्मिक निकायको सो विधेयक मस्यौदाको पाकिस्तानको मानव  अधिकार आयोगले पनि आलोचना गरेको छ । सी आई आइका अध्यक्ष मौलाना मोह्मबद खान सेरानीले सो मस्यौदा अझै निमार्ण प्रक्रियामै रहेको र इस्लामले महिला विरुद्धको हिसांलाई अनुमति नदिएको दाबी गरेका छन् ।

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: