सृजना अर्याल

चितवन । नेपाल महिला संघ चितवनको क्षेत्रीय अधिवेशन पाँचवटै क्षेत्रमा सकिएको छ । नेपाल महिला संघ चितवनको बुधवार विहानैदेखि शुरु भएको निवार्चन प्रकृयामा महाधिवेशन प्रतिनिधि र  क्षेत्रीय अध्यक्षहरूमा  २ नम्बर  क्षेत्रमा बाहेक अरु सवैमा  निवार्चन गरिएको थियो । तर,   क्षेत्रीय समिति भने सर्वसम्मत चयन गरिएको छ ।

क्षेत्रीय अधिवेशन अन्तरगत  क्षेत्र नम्बर १ को नेपाल महिला संघ  क्षेत्रीय अध्यक्षमा राम माया कंडेल निवार्चित  हुनुभएको छ ।  यसैगरि क्षेत्र नम्बर २ को  अध्यक्षमा  सर्मिला लामिछाने निर्विरोध चयन हुनभयो भने क्षेत्र  नम्बर ३ मा  पवित्रा के.सी निवार्चित हुनुभएको छ ।  क्षेत्र नम्बर ४ मा भगवति गौतम पाँचमा सावित्री ढकाल बिजयी हुनुभएको छ । क्षेत्र नम्बर पाँचमा  महाधिवेशन प्रतिनिवधीको पनि निवार्चन भएको थियो भने क्षेत्रीय समितिका अन्य पद सर्वसम्मत चयन गरिएको थियो  ।

पाँचजना खुुल्ला, एकजना जनजाति,  एक जना दलित र एक अल्पसंख्यक गरि ८ जना महाधिवेशन प्रतिनिधि प्रत्येक क्षेत्रबाट चयन गरिएको हो ।

नेपाल महिला संघ चितवनको जिल्ला अधिवेशन भने जेठ २२ गते शनिवार हुने भएको छ । लामो समयदेखि हुन नसकेको नेपाल महिला संघको केन्द्रिय अधिवेशन आउँदो भदौमा हुन लागेको छ ।