सरकारी निकायद्वारा गाउँमा शिविरः त्रीयासी वर्षीया बृद्धाले पाईन् नागरिकता


प्रकाशित मिति :2016-06-05 12:58:41

सुमित्रा कोईराला

13340379_1207766635900364_291821254_o
उदयपुर ।  ‘अबदेखि मैले पनि सरकारले दिने बृद्धा भत्ता पाउने भएँ’ गहभरी आँसु पार्दै ८३ वर्षीया बृद्धा मकमाया राईले भनिन् । जिल्लाको भलायडाँडा गाउँ विकास समितिकी मकमाया राईले गाउँमै आएको एकीकृत घुम्ती शिविरमा प्रमुख जिल्ला अधिकारी कृष्ण चन्द्र घमिरेले नागरिकताको प्रमाणपत्र दिएपछि हर्षको आँशु थाम्न सकिनन् ।

‘नागरिकता नभएकै कारण सरकारले बृद्ध बृद्धालाई उपलब्ध गराउने भत्ता पाउन २३ वर्ष पर्खनुपर्‍यो’ बृद्धा मकमायाले भनिन् । सरकारले ६० वर्ष पुगेपछि एकल र बृद्धबृद्धालाई सामजिक सुरक्षा भत्ता उपलब्ध गराउने भएपनि नागरिकता नभएका कारण उनले भत्ता पाउन सकेकी थिईनन् ।

नागरिकताको आवश्यकता बारे जानकारी पाएपनि श्रीमानको मृत्युपछि छोराछोरीको लालनपालन गर्दा र जिल्लासम्म जान नसक्दा नागरिकता बनाउन नसकेको मकमायाले बताईन । घरछेउमै नागरिकता बनाउने शिविर नआएको भए नागरिकता विनै उनको पुरा जीवन वित्ने थियो ।

शिविरमा पञ्चावतीकी ७० वर्षीया बृद्धा विगमाया मगरले पनि नागरिकता पाइन् । श्रीमान अपाङ्ग भएकाले जिल्ला जान नसकेर नागरिकता बनाउन नसकेको अवस्थामा गाउँमै नागरिकता पाएकोमा विगमायाको पनि खुसीको सीमा थिएन । सरकारी सेवाबाट बञ्चित रहेका जनतालाई गाउँगाउँमै पुगेर सेवा प्रवाह गर्ने उद्देश्यले जिल्ला प्रशासन कार्यालय उदयपुरले एकिकृत घुम्ति शिविर सन्चालन गरेको शिविरमा सेवा प्राप्त गर्नेहरूले फरक फरक अनुभूती गरे ।

प्रशासनले जिल्लाको पञ्चावती गाविसको नेपालटारमा शुक्रबारदेखि दुईदिने शिविर सन्चालन गरेको हो । पञ्चावती, भलायडाँडा, डुम्रे र रौता गाविसलाई लक्षित गरी शिविर सन्चालन भएको हो ।

शिविरमा जिल्लास्थित प्रायः सबैजसो सरकारी कार्यालयले आ आफ्ना सेवा सन्चालन गरेका छन् । सरकारी निकायले निःशुल्करुपमा सेवा प्रदान गरेका छन् ।

प्रशासनले नागरिकता प्रमाणपत्र, ट्राफिकले ट्राफिक सचेतना, कृषिले विउविजन वितरण तथा माटो परिक्षण, अस्पतालले विरामी चेकजाँच तथा औषधि वितरण, महिला तथा बालबालिका कार्यालयले अपांग परिचय पत्र, वन कार्यालयले विरुवा वितरण, घरेलु तथा सानो उद्योग विकास समितिले उद्यम प्रबद्र्धन सम्बन्धी जानकारीलगायतका सेवा उपलब्ध गराएका थिए ।

गाविसहरूले गाविसबासीलाई आवश्यक सिफारिस, कागजात जुटाउन सहयोग गरेका छन् । शिविरमा सेवा लिन गाउँगाउँबाट स्थानीयको उल्लेख्य सहभागिता रहेको छ । शिविरमा सबैभन्दा बढि नागरिकता बनाउनेको संख्या रहेको प्रमुख जिल्ला अधिकारी कृष्ण चन्द्र घिमिरेले जानकारी दिनुभयो ।

त्यस क्षेत्रका जनताबाट नागरिकता बनाउन निकै छुटेको गुनासो आएकोले शिविर सन्चालन गरेर सेवा प्रदान गरिएको र दुईदिनमा चार सय १० जनाले नागरिकता पाएको जानकारी उहाँले दिनुभयो ।

गाउँमा शिविर सन्चालन हुनाले सबैभन्दा बढि, अपाङ्ग, बृद्धबृद्धा र बालबालिकालाई सुविधा पुगेको पंचावती गाविसका सचिव खिलाराज कार्कीले बताउनुभयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: