महिलाको सक्रियतामा खुला दिसामुक्त गाविस


प्रकाशित मिति :2016-06-06 13:03:27

दुर्गा देवकोटा
khulla disa (2)

टीकापुर । आमा समूह र महिला स्वास्थ्य स्वयंसेविकाको सक्रियताले कैलालीको मुनुवा गाविस खुला दिसामुक्त गाविस घोषणा भएको छ । एकवर्ष अघि गाविसका महिला स्वास्थ्य स्वयंसेविका र आमा समूहका महिलाले थालेको अभियानले आईतबार पुर्णता पाएको हो ।

महिलाको अभियानले मुनुवा गाविस कैलाली जिल्लाको १९ औं खुल्ला दिसा मुक्त गाविस हुन सफल भएको स्थानीय गोपाल गिरीले बताउनुभयो । उहाँका अनुसार आमा समूह र महिला स्वास्थ्य स्वयंसेविकाको ठूलो सहयोगले अभियान सफल हो । ‘सुरुका दिनमा घर घरमा गएर चर्पी निर्माण गर्न लगाउ“दा गाहे भएपनि पछि महिला आफै कस्सिदा सहज भएको हो’ उहाँले भन्नुभयो ।

‘अभियान सुरु हुँदा २५ प्रतिशत घरमा मात्र चर्पी थियो । यतिखेर दुई हजार ९४ चर्पी निर्माण भएको अभियानका सदस्य एवं मुनुवा स्वास्थ्य चौकीका प्रमुख लोगबहादुर नेपालीले जानकारी दिनुभयो । आमा समूह तथा स्वास्थ्य स्वयंसेविका विना पारिश्रमिक अहोरात्र खटेका कारण यो सम्भव भएको उहाँले बताउनुभयो ।

घोषणा सभामा प्रमुख अतिथी रहनुभएका खानेपानी तथा सरसफाई सस्था धनगढीका प्रमुख नारायण प्रसाद काफ्लेले खुल्ला दिसा मुक्त अभियानले आम जनतालाई सचेत गराएको बताउनुभयो । उहाँले भन्नुभयो–‘फोहर व्यवस्थापनमा खुल्ला शौच समस्या रहेको भन्दै जहा“ पायो त्यही शौच गर्ने बानी त्याग्न मद्दत पुग्यो ।’

पूर्व उर्जा राज्य मन्त्री चन्द्रसिंह भट्टराईले मुनुवा गाविसका महिलाले खुल्ला दिसा मुक्त क्षेत्र घोषणा अभियानलाई सफल मात्र नबनाएर  स्वास्थ्यका सवालमा महिला गम्भिर छन् भन्ने देखाएको बताउनुभयो ।  उहाँले भन्नुभयोे–‘स्वास्थ्यका बारेमा सचेत भए आर्थिक बचत हुनुका साथै पारिवारिक समस्या कम हुन्छ ।’

कार्यक्रममा खुल्ला दिसा मुक्त अभियान सफल पार्न सहयोग गर्ने स्वयंसेविका र आमा समूहका सदस्यलाई सम्मान समेत गरिएको छ । मुनुवा गाविसलाई यसअघि पूर्ण खोपयुक्त गाविस समेत घोषणा गरिएको छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: