नारकिय जीवनबाट यसरी मिल्यो मुक्ति


प्रकाशित मिति :2016-06-06 14:21:10

यशोदा अधिकारी

miraकाठमाडौं । माघ महिनाको ठिहिरो अनि झम झम पानी परिरहेको रात  । मीरा (नाम परिवर्तन) का लागि औंसीको रात भएर आइदियो ।  एकातिर मेघ गर्जेको त्रास, अर्कोतिर  चट्याङको आवाज । उनकी आमाको धेरैजसो वसाइ लेकमा हुन्थ्यो । उनी र हजुरवुवा बेसीमा ।  मीराले फटाफट भात पकाइन् र आफ्ना हजुरबालाई खुवाइन् । हजुरुबालाई  खाना बनाउनु खुवाउनु उनको दैनिकी ।

त्यसै गरिन् उनले त्यस साँझ पनि ।  सदा झै मीराका ६२ वर्षे हजुरबा इन्द्र बहादुर सुत्न गए । उनी खाटमा सुत्थे । मीराले भुईँमा ओछ्यान लगाइन् । माघ महिनाको जाडो त्यसमाथि पनि पानी परेर चिसो बढ्दै थियो । रात छिप्पिँदै गएपछि मीरालाई हजुरबाले खाटमा सुत्न बोलाए । दस वर्षकी निर्दोष बालिका, हजुरबाले माया गरेर खाटमा सुत्न बोलाए भनेर उनी खुसी हुँदै गइन् । खाटमा पुगेपछि हजुरबाले उनलाई बेस्कन अंगालो हाले ।

हजुरबुबालाई नाङ्गै देखिपछि उनी डराइन् र भुईमा ओर्लन खोजिन्, तर राक्षस रुपधारी हजुरबाले उनलाई जवरजस्ती गर्न खोजे । ‘नाइ’ भनेर कराउँन खोज्दा मीराको मुखमा लुगा कोचिदिएर उनको अस्मिता लुटे । उनी जति चिच्याएपनि सुन्ने कोही थिएन । उनी रातभरि रगतको आहालमा डुविन् । बल्लबल्ल  उज्यालो भयो ।  हजुरबाले के गरेको होला उनलाई थाहा थिएन । गारो हुँदै गयो । उनी विरामी भइन् । कहिले लेकबाट आमा आउलिन् र हजुरबाले आफूलाई के गरेको हो भनेर सोधुँला भनेर कुरिरहिन् ।

Capture

हजुरबा घरमा भनिस् भने घर खर्च दिन्न भन्दै उनलाई धम्क्याउँथ्यो र अस्मिता लुटिरहन्थ्यो । एक दिन उनले यो कुरा आमालाई भनिन् । आमाले उल्टै पागल भनेर मीरालाई कुटिन् र फेरी बेसीको घरमा हजुरबुबासँगै छोडिदिइन् । उनले आफ्नै आमाकोे सहयोग नपाएपछि राक्षसरुपी हजुरबाबाट पटक पटक  बलात्कृत हुनुपर्‍यो । त्यतिखेर मीराका बुवा वैदेशिक रोजगारीमा गएका थिए ।   दस वर्षको उमेरदेखि हजुरबाबाट अस्मिता लुटिएकी मीराका बाबु उनी १४ वर्षको हुँदा नेपाल फर्किए । ‘आमाले त उल्टै पागल भनिन् । बाबु देशविदेश बसेर बुझेर आउनु भएको छ कुरा बुझ्नुहुन्छ भनेर बाबुलाई हजुरबाले गरेको कुरा सुनाउँछु भनेँ ।’ उनी तीतो अतीत सम्झिन्छिन् ।

एकदिन आमा नभएको दिन हजुरबाले आफ्नो अस्मिता लुटेको कुरा बुबालाई बताइन् ।  बाबुले मीराको कुरा सुन्दै सुनेनन् । पत्याएनन् पनि ।
उल्टै उसले पनि जवरजस्ती गर्न खोजे ‘मेरो बाले तँलाई बलात्कार गरेको हो कि होइन चेक गर्छु भनेर अंगालो हाल्यो । म भाग्न खोजेँ ।  भित्तामा लगेर टाउको ठोक्काइदियो ।’ उनी भन्छिन् ‘ बेस्कन कराएँ, रोएँ । घरमा कोही पनि थिएनन् । मुखमा पेन्टी कोच्याएर हातखुट्टा बाँधिदियो र  मलाई हजुरबाले जस्तै  गर्‍यो’ उनी भन्छिन् ।

प्रकाश कार्की

प्रकाश कार्की

उनले फेरि त्यो कुरा आमालाई भनिन् । आमाले फेरि पागल भनेर उल्टै कुटपिट गरिन् । उनलाई साथ दिने कोही भएनन् । फलस्वरुप उनी पटक पटक बलात्कृत भइरहिन् ।  ‘एसएलसी सकियो । फुर्सदको बेला घरमा बस्नुपर्ने भयो । बाले मलाई  देख्नै नहुने दिनको तीन चारपटकसम्म बलात्कार गथ्र्यो’ मीराले भनिन् ।

उनको डाक्टर पढ्ने सोच थियो ।  एकदिन राक्षस रुपधारी बाबु प्रकाशलाई  भनिन् ‘ड्याडी म विज्ञान पढ्छु ।’ आफ्नै छोरीको अस्मिता लुटेर रमाउँदै आएका प्रकाश बहादुरले भने सर्त राख्थे र भन्थे ‘मेरो इच्छा तँ पूरा गर । तेरो इच्छा म पूरा गर्छु ।’ हुँदा हुँदा पाँच रुपैयाँको  पेन्सिल किन्न  पनि बाबुको यौन प्यास मेटाउनुपथ्र्यो मीराले । कहिले खेत, कहिले मल खाल्टो, कहिले बनेपा, धुलिखेलका होटलमा पुग्नुपथ्र्यो । बाबुको बलात्कारको शिकार भएकी मीरालाई कसैले सहयोग गरेन ।  उनले जीवनदेखि हार खाइन् ।

आफ्नै बाबुको कान्छी श्रीमती भएर बाँच्न मन लागेन ।  उनले हजुरबा र बाबुको बलात्कारको पीडा डायरीको पानामा पोखिन् र व्यागमा राखेर घरबाट निस्किन् ।  बनेपा बजारमा पुगेर किरामार्ने औषधी किनिन् र धुलिखेलको डाँडामा गएर पिइन् । प्रहरीले उनलाई बेहोस अवस्थामा भेट्टाएर अस्पताल पुर्‍यायो  ।  चार दिनपछि  होस आउँदा डाक्टर र नर्सलाई देखिन् र सोचिन् ‘स्वर्ग भनेको यही होला ? स्वर्गमा पनि डाक्टर नर्स हुँदा रहेछन् भन्ने लाग्यो । तर त्यही  राक्षसी बाआमालाई देखेपछि मरेको रहेनछु भन्ने लाग्यो । वरिपरि प्रहरी थिए । मेरो डायरी पढेरप्रहरीले सबै कुरा थाहा पाएछन् ।’

mira2उनले डाक्टरलाई भनिन् मलाई किन बचाएको ? मलाई मारिदिनुस् ।‘ त्यहाँ पनि नर्स नभएको मौका छोपेर बाआमाले गाली गरे । उनी छट्पटाउँथिन् ।   टोलाउँथिन् । १२ औं दिन बाआमाले  डिस्चार्ज गरेर घर लैजान खोजे,  उनी जान मानिन् । अन्ततः डाक्टरले एकान्तमा लगेर सोधेपछि मीराले सबै कुरा बताइन् । डाक्टरले प्रतिवेदन तयार पारे ।  प्रहरीले उनलाई सहयोग गर्न संस्थामा खबर गर्‍यो ।   रक्षा नेपालका अध्यक्ष मेनुका थापा अस्पताल पुगिन् । प्रहरीले अस्पतालबाट डिस्चार्ज गरेर मीरालाई रक्षा नेपालको जिम्मा लगाइदियो । उनी खुसी भएर  आइन् ।  त्यही दिन सोधपुछको लागि भनेर हजुरबालाई प्रहरीले फोन गरेर बोलायो । कतुर्त खुल्ने डरले त्यही दिन हजुरबा इन्द्रबहादुरले आत्महत्या गरे । बाबु प्रकाश अहिले जेलमै छ ।

पलपल मरेर नयाँ जीवन पाएकी मीरा अहिले विज्ञान विषय लिएर कक्षा १२ पढिरहेकी छन् । सञ्चारकर्मी सुमन खरेलले उनलाई पढाउन सहयोग गरिरहेका छन् । डाक्टर पढाइदिने बचन पनि  दिएका छन् । वर्तमानमा पनि विगतको घाउ बल्झिरहन्छ ।  आत्महत्या गर्न खाएको किरा मार्ने औषधीको असरले उनी अहिले पनि विरामी भइरहन्छिन् । उनी जव नागरिकता समाउँछिन् तव उनको आँखभरि आँसु छचल्किन थाल्छ । उनी भन्छिन् ‘बलात्कारी बाबु र हजुरबाबुको नाम नागरिकताबाट हटाइ पाउँ ।’  नागरिकताबाट बाबु र हजुर बाको नाम हटाउन रक्षा नेपालको सहयोगमा प्रक्रिया अगाडि बढाइसकेकी छन् । रक्षा नेपालकी अध्यक्ष मेनुका थापा भन्छिन्  ‘नागरिकता समायो कि उनी अत्तालिन्छिन्, आफ्नो नागरिकता हेर्नै सक्दिनन्, जहाँ बा, हजुरबाको नाम लेख्नुपर्छ उनको  हात काम्छ, लख्नै सक्दिनन्  । हामी नै लेखिदिन्छौं । यस्ता बालबालिकाको अभिभावक राज्य हुनुपर्छ ।’

    Comment Here!

Related NEWS
मुख्य खबर

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

Read more
© 2015.All rights reserved by mahilakhabar.com
%d bloggers like this: