जडिबुटी व्यवसायले बनायो उत्कृष्ट उद्यमी


प्रकाशित मिति :2016-06-09 13:42:23

सञ्जु पौडेल

Bina Pradhan 3
काठमाडौं। सामान्य घरका लागि खेती किसानी गर्दै आएकी थिइन् विणा प्रधान । तर केही नयाँ गर्ने सोच भएपनि के गर्ने ठम्याउन सकेकी थिइनन् । श्रीमानले शिक्षण पेसा छाडेपछि घरखर्च चलाउन  र छोराछोरीलाई  पढाउने  समस्याले घेरेको थियो । यसैक्रममा उनले  पत्रिकामा जडिबुटी खेती गरेर राम्रो आम्दानी गरेको भन्ने समाचारले ध्यान तान्यो, र त्यसैको खेतीगर्ने रहर जाग्यो ।

जोश, जागँर अनि दृढ संकल्प लिएर सामान्य कृषि पेशालाई परिवर्तन गरेर मझुवा रामेछापकी  विणा प्रधानले  नयाँ तरिकाले  जडिबुटीको व्यवसायिक खेती गर्ने तय गरिन् । ५ वर्ष अगाडी आफ्नै जमिनमा जडिबुटी खेती शुरु गरिन् ।

Bina Pradhan

अब जे जस्तो काम गरेपनि अरुले  भन्दा फरक तरिकाले  कुनै पेशा अपनाउनुपर्छ भन्ने सोचेरै प्रधानदम्पतीले व्यवसायिक जडिबुटी खेती सुरु  गरेका थिए । तर, जडिबुटी खेती एकदम नयाँ  व्यवसाय भएकोले गाँउमा हौसला दिने भन्दा हतोत्साहित गर्ने धेरै थिए । एकातिर घर परिवारको जिम्मेवारी त अर्कोतिर मकै खाने खेत बारीमा जडिबुटी लगायो भनेर गाउँले र छर छिमेकीहरूको टोकेसो सुन्नु पर्दथ्यो ।

बाहिर  कुरा काट्नेको कुरा सुनिसाध्य थिएन । कसैले त आफ्नै अगाडी  कुरा सुनाउथे । यतिखेर विणाको मन अमिलो हुन्थ्यो । तर आँट गरि त हालियो, जसरी पनि त्यसलाई अगाडी बढाउनै प¥यो भन्ने सोचेर विणा र उनको श्रीमान्ले जडिबुडी खेती गर्न रातदिन नभनी कडा मेहनत गर्न थाले ।

शुरुमा १५ रोपनी जमिनमा परिक्षणका रुपमा जडिबुटी लगाए । यसवाट बिस्तारै राम्रो आयआर्जन हुन थालेपछि खेती गर्ने जमिनको आकार वर्षेनि बढाउँदै लगेका उनीहरूले अहिले करिब ५० रोपनी जमिनमा जडिबुटी खेती गरेका छन् । थोरै समयमै यो खेतीले उनीहरुको जीवनमा बहार नै ल्याईदियो ।

bina Pradhan 1

त्यही खेतीको माध्यमबाट आफ्ना छोराछोरीलाई राम्रो र गुण्स्तरीय शिक्षा  दिन पाएकोमा विणा खुशी छिन् । उनले अहिले संस्था नै खोलेर व्यवसायको  दायरा बढाएका छन् ।

उनले उत्पादन गरेका जडिबुटी  काठमाण्डौंलगायत हर्बल वस्तु उत्पादन गर्ने कम्पनीहरूमा पुग्ने गरेको छ । घरायसी काम भ्याएर  अगाडी लगेको व्यवसायप्रति विणा  एकदम खुशी र सन्तुष्ट छन् ।  विणा अहिले   आफ्नै रामेछाप जिल्लामा अब्बल महिला उद्यमी बन्न सफल भएकी छन् ।

समाजमा उद्यमशीलताको क्षेत्रमा उच्च प्रतिष्ठा कमाएकी विणाले ४ जना स्थानीय युवालाई रोजगारी समेत  दिएकी छन् । हाल उनले सोही व्यवसायबाट वार्षिक  २५ लाख रुपैयाँसम्म आम्दानी  गर्दै आइरहेकी छिन् ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: