उद्यमी वन्दै महिला


प्रकाशित मिति :2016-06-12 13:00:31

विदुर आचार्य
IMG_20160607_092910

सिन्धुपाल्चोक । एक वर्ष अघि सम्म मेलम्ची ६ की सुशिला सापकोटालाई घर चलाउन निकै कठिन थियो । सामान्य कृषि वाहेक अन्य विकल्प नभएको उनको परिवारलाई जीवन निर्वाह त्यति सजिलो थिएन । तर अहिले उनको अवस्था फरक छ । व्यवसायिक ‘लप्सी क्यान्डी’को उत्पादन तथा प्रशोधन कार्यमा सामेल हुन थालेपछि उनको अवस्था सुध्रिएके हो । उनी मात्र होईन, अरु ७ जना महिला उद्यमीहरु पौरखी लप्सी क्यान्डीमा एक वर्ष देखि आवद्ध छन् ।

उनीहरुको आर्थिक अवस्था सुध्रिएको पनि एक वर्ष नै भयो । सुशिला भन्छिन् ‘पहिले पहिले त महिलाहरुले केही गर्न सक्दैनन्, महिलाहरु मिलेर दिन विताउने वाटो हो भन्नेहरु अहिले समुहमा आवद्ध हुन इच्छुक छन् ।’ कुनैपनि कामकालागि लगनशीलता र निरन्तरताको आवश्यकता रहेको भन्दै उनी भन्छिन्, ‘काम ठुलो सानो त सोच न रहेछ ।, हामी सक्छौँ भनेर लाग्ने हो, सहयोग र सफलता पाईने रहेछ ।’ उनको समुहमा आवद्ध सवै महिला उद्यमी खटेर काम गर्छन् । उत्पादन र विक्री अनुसार आम्दामी हुन्छ । सामान्य त दश हजार प्रति उद्यमी मासिक कमाई हुने सुशिला बताउँछिन् । उनी भन्छिन् ‘लप्सी उत्पादन हुने सिजनमा काम गरेरै भ्याइन्न । तर आज भोली माग भए जती पुर्‍याउन कठिन हुन्छ ।’

फटकशीलाकी राधिका मिजार र बविता तामाङ ढाका बुन्ने काम गर्छन् । उनीहरु सँगै अन्य ११ जना पनि ढाका बुन्ने काम गर्छन् । महिलाहरुले सामुहिक नमुना ढाका बुनाई लघु उद्यम सुरु गरेको थोरै समयमै उद्यमी र उद्योग दुवै फस्टाएको छ । नेपाली ढाकाको माग धेरै भएको र माग अनुसार पुर्ति गर्न नसकेको बताउँछिन् बविता तामाङ । ‘हाम्रा दिदीबहिनीहरु बिदेशमा मात्र पैसा देख्छन्, सीप र मेहनत भए हामीसामु पनि अवसर छन् भन्ने नबुझेर दुख पाँउछन् ।’ आर्थिक अवस्था सुधार्न वैदेशिक रोजगारमा जाने महिलाहरुलाई उनको उद्यम समुहमा आवद्ध हुन अनुरोध गर्दै उनी भन्छिन्, ‘परिवार सँगै बसेर प्रशस्तै आम्दामी गर्न सकिन्छ ।’

IMG_20160607_092842

पौरखी लप्सी क्यान्डी र  नमुना ढाका बुनाई लघु उद्योग दुवैलाई सीप विकास तथा प्रारम्भिक प्राविधिक सहयोग अस्ट्रेलियन एड तथा युएनडिपी को सहयोगमा शीघ्र उद्यम पुनरोत्थान परियोजनाले गरेको हो । परियोजनाले महिला उद्यमीहरुलाई सक्षम बनाई आत्मनिर्भरताको बाटोमा पुर्‍याएकोमा खुसी व्यक्त गर्दै अरु महिलाहरुलाई पनि उद्यमी बनाउने जमर्को रहेको उद्यमीहरु बताउँछन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: