नागरिकता पाएपछिको खुशी


प्रकाशित मिति :2016-06-13 17:06:31

 महिला खबर

?

?

कपिलवस्तु । एकै दिनमा सजिलै बैवाहिक अंगीकृत नागरिकता पाएपछि गीता कुमारी गुप्ता निकै खुशी खुशी छिन् । भारत जन्म भई कृष्णनगर ५ का पटेश्वरी प्रसाद गुप्तासँग वैवाहिक बन्धनमा बाँधिएकी  ३७ वर्षीय गीता इलाका प्रशासन कार्यालय चन्द्रौटाबाट साताअघि नागरिकता प्राप्त गरिन । श्रीमान्सँग प्रशासन कार्यालयमा पुगेकी गीताले फाइल पेश गरेको केही समयभित्रै ३८२०७९ नम्बरको नागरिकता पाएको बताइन्  ।
उनी जस्तै भारत जन्मेर विद्यानगर ८ का मिलन केवटसँग विवाह गरेकी ४५ वर्षीय प्रभावती केवटले पनि वैवाहिक अंगीकृत नागरिकता पाएकी छिन्  । नेपाली पुरुषसँग विवाह गर्दा नागरिकता बनाउन निकै झन्झटिलो ठानेकी  प्रभावती नागरिकता पाएपछि दङ्ग छिन् । भन्छिन् ‘मैले सजिलै नागरिकता पाउँछु भन्ने लागेको थिएन ।, छिट्टो पाँईदैन भनेको सुनेको थिएँ तर झुट रहेछ ।’ गीता र सुभावती मात्र होइन भारत जन्मेर नेपाली पुरुषसँग विवाह गरेका अनिता यादव, गुडियादेवी मौर्य, आयसा खातुनले पनि बैवाहिक अंगीकृत नागरिकताको प्रमाण पत्र प्राप्त गरका छन् । विदेशी महिलाको नागरिकता नबन्ने हल्ला सुनेका उनीहरु ६ जनाले नागरिकता पाए । आफ्नै आँखाले प्रत्यक्ष देखेपछि र भोगेपछि अहिले नागरिकताप्रतिको गलत भ्रम हटेको उनीहरु बताउँछन् ।

संविधानको धारा १० उपधारा ६ मा नेपाली नागरिकसँग वैवाहिक सम्बन्ध कायम गरेकी महिलाले चाहेमा संघीय कानुन बमोजिम अंगीकृत नागरिकता लिनसक्ने प्रावधान रहेको छ । सोही प्रावधान अनुसार इलाका प्रशासन कार्यालय चन्द्रौटामा अहिले नेपाली पुरुषसँग विवाहित विदेशी महिलाको वैवाहिक अंगीकृत नागरिकता बनाउन आउनेको संख्यामा वृद्घि भएको छ । कपिलवस्तुको चन्द्रौटास्थित इलाका प्रशासन कार्यालयबाट मात्र ४ सय २५ जना विदेशी महिलाले नेपाली नागरिकता पाइसकेको प्रशासन प्रमुख एवं उपसचिव मेघनाथ उपाध्ययले जानकारी दिएका छन्  । नयाँ संविधान २०७२ र नागरिकता ऐन २०६३ अनुसार अंगीकृत नागरिकता वितरण गरिएको उपसचिव उपाध्ययले बताए । अंगीकृत नागरिकताका लागि विवाह दर्ता, पतिको नागरिकता, सपथ पत्र, त्याग पत्र आदि आवश्यक कागजात पुगेकालाई एकै दिन नागरिकता दिने गरेको जानकारी दिए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: