हिंसापीडित महिलाका लागि सुरक्षित आवास गृह बनाउन सुरु


प्रकाशित मिति :2016-06-19 12:16:11

महिला खबर
पर्वत ।  हिंसामा परेका  महिला तथा बालबालिकालाई पुनर्स्थापनाका लागि पर्वतको कुश्मामा  सुरक्षित आवास गृहको  निर्माणकार्य सुरु भएको छ ।

हिंसाका कारण घरमा परिवारमा बस्न नसक्ने पीडित र समाजमा अपहेलित भई न्यायका लागि जिल्लास्थित न्यायिक निकायमा आउने महिला तथा बालबालिकाका लागि मुद्दा टुङ्गो नलाग्ने बेलासम्म खान बस्नको व्यवस्था गर्न सुरक्षित आश्रयस्थल बनाउन लागिएको हो ।

जिल्ला प्रहरी कार्यालय पर्वतका प्रहरी नायब उपरीक्षक गङ्गा पन्तको विशेष पहल, लैङ्गिक हिंसा निवारण जिल्ला समन्वय समितिको संयोजनमा  आश्रयस्थल बनाउन लागिएको हो । भवन निर्माणका लागि स्थानीय सरोकारवाला निकायको समेत सहयोगमा करीव दुई करोड रुपैयाँको लागतमा भवन निर्माणकार्य सुरु गरिएको हो ।

भवन निर्माणका लागि स्थानीय सरकारी तथा गैरसरकारी सङ्घसंस्था, क्लबले आर्थिक सङ्कलन पनि गरिरहेका छन् । १४ कोठा र हलसहितको तीनतले भवन बनाउनका लागि जिल्लाका तीनजना सांसद, जिल्ला विकास समिति, कुश्मा नगरपालिकालगायतले आर्थिक सहयोग गरेको निर्माण समितिका अध्यक्ष लोकनाथ आचार्यले जानकारी दिनुभयो ।

उहाँका अनुसार हालसम्म झन्डै ३० लाख रुपैयाँ  सङ्कलन भएको  छ । जिल्ला विकास समिति पर्वतले  १० लाख  र कुश्मा नगरपालिकाले पाँच लाख रुपैयाँ सहयोग गरेका छन् ।

त्यस्तै सांसद अर्जुनप्रसाद जोशी र कल्पना चापागार्इंले र तीनरतीन लाख रुपैयाँ र अन्य सङ्घसंस्था र व्यक्तिबाट आर्थिक सङ्कलन जारी रहेको छ ।   अवास गृह बनेपछि शारीरिक र मानसिक रुपमा हिंसामा परेका बालबालिकालाई संरक्षण गरी राख्ने भवन नहुँदा महिला प्रहरीको कोठामा राख्नुपर्ने हट्ने छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: