जिल्ला मै उत्कृष्ट भइन् रोशनी


प्रकाशित मिति :2016-06-19 15:55:59

रुपा गहतराज

Roshniबाँके ।  नेपालगन्ज  गणेशपुरकी रोशनी सोनी यसवर्षको एसएलसी परिक्षामा बाँके जिल्लामा प्रथम भएकी छन् । उनी ३ दशमलभ ९० ग्रेड अंक ल्याएर पहिलो भएको जिल्ला शिक्षा कार्यालयले जनाएको छ । उनले आफ्नो शिक्षाका लागि बुवा आमाले धेरै सहयोग गरेको बताईन् एबीसी आवासीय उच्च माध्यामिक विद्यालयकी प्रिन्सिपल शशी स्वाँरले रोशनी जिल्ला मै प्रथम भएको पुष्टी जिल्ला शिक्षा कार्यालयले शुक्रबार गरिसकेको बताईन् । ‘शिक्षा कार्यालयबाट फोन आएपछिमात्र हाम्रो विद्यार्थी प्रथम भएको कुरा थाहा भयो,’ उनले भनिन् ‘विद्यार्थीको मेहेनत अनुसारको परिणाम आयो, धेरै खुसी लाग्यो ।’ जिल्ला शिक्षा कार्यालय बाँकेका सहायक जिल्ला शिक्षा अधिकारी गोरखबहादुर थापाले एसएलसी नतिजा हेर्दा एबीसी स्कुलकी छात्रा रोशनी जिल्ला प्रथम भएको जानकारी दिए ।

उनी दैनिक ५ घण्टा आराम गर्ने बाहेकको बाँकी समय अध्ययनमै हुन्थिन् । ‘मेरो मेहेनत त छँदै थियो, प्रिन्सिपल मेडम र सरले पनि पढाईमा मलाई धेरै नै सहयोग गर्नुभयो,’ उनी भन्छिन् । रोशनी कक्षाको जेहेन्दार र मेहेनती विद्यार्थी भएको प्रिन्सिपल स्वाँरले बताईन् । ‘तिमी मेहेनत गर, बाँके टप अवश्य गर्छौ भनी मैले बारम्बार हौंसला दिइरहेकी थिएँ, आखिर परिणाक पनि त्यही भयो,’ उनले भनिन् ।

रोशनी बाँके प्रथम आउँदा शिक्षक र समग्र विद्यालयको पनि इज्जत बढेको प्रिन्सिपल स्वाँरले बताईन् ।
उनलाई उच्च शिक्षा अध्ययन गराउन आफूले सक्दो पहल गर्ने जानकारी दिईन् । ‘उनको घरको आर्थिकस्थिति कमजोर भएकाले  उच्च शिक्षा पढाउन सक्दो पहल गर्नेछु,’ प्रिन्सिपल स्वाँरले भनिन् । उनका बुवा सन्तोषले दैनिक ज्याला मजदुरी गरेर परिवार र छोरीको पढाई खर्च टार्दै आएका छन् ।

छोरीको नतिजाले आफू धेरै खुसी भएपनि उच्च शिक्षाबारे चिन्ता थपिएको बुवा सन्तोषले बताए । ‘मैले दैनिक ज्याला मजदुरी गरेर पढाएको थिएँ, छोरीले हाम्रो परिवारको इज्जत राखिन्  अबको चिन्ता छोरीको उच्च शिक्षा हुनेभयो,’ उनले भने ‘छोरीको रहर विज्ञान विषय लिएर पढ्ने छ,।’ छोरीले एसएलसी उत्तिर्ण गरेपनि अझैपनि सम्पुर्ण आड, भरोसा एबीसी स्कुल र प्रिन्सिपलसँग रहेको उनले बताए ।

विज्ञान विषय लिएर एमबिबिएस पढ्ने उनको इच्छा छ । रोशनीका बुवा सन्तोष सोनी सुनचाँदीको कालिगढ हुन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: