बजेट भएपनि बन्न सकेन सुरक्षित आवास


प्रकाशित मिति :2016-06-26 12:10:07

यमुना खनाल

सिरहा। सिरहामा महिला हिंसाका घटना बढी रहेपनि त्यस्ता महिलालाई राख्ने सुरक्षित आवास नहुँदा समस्या भएको छ।

हिंसामा परेर उजुरीका लागि आउने महिला तथा बालबालिकालाई सेफ हाउस नभएकै कारण कार्यालय मै राख्नु पर्ने बाध्यता रहेको महिला बालबालिका कार्यालय सिरहाकी प्रमुख दुर्गा भन्डारीले बताउनुभयो।

सेफहाउस निर्माणका लागि जिल्ला बिकास समिति सिरहाले आर्थिक वर्ष ०७०/ ०७१ मा १५ लाख, ०७१/०७२ मा ७ लाख रुपैयाँ बजेट विनियोजन गरेपनि जग्गा उपलब्ध नहुँदा बजेट फि्रज भएपछि हिंसा पीडित महिला बालबालिकाका लागि सुरक्षित आवास निर्माण कार्य अगाडी बढ्न सकेको छैन ।

चालु आर्थिक वर्ष०७२/०७३ मा पनि जिल्ला विकास समितिबाट विनियोजन भएको १० लाख्ा रुपैयाँ बजेट समेत फ्रीज हुने अवस्थामा पुगेको भण्डारी बताउनु हुन्छ।

जग्गा उपलब्ध नहुँदा र सरोकारवाला निकाय एकले अर्कालाई देखाएर पन्छिने गरेकाले घर निर्माणको काम अगाडी बढ्न नसकेको भण्डारीले बताउनुभयो। उहाँले महिला अधिकारका क्षेत्रमा काम गर्ने संघ संस्थाका प्रतीनिधिलाई सुरक्षित आवास निर्माणका लागि दबाब दिन आग्रह गर्नुभयो।

जिल्ला विकास समिति, प्रमुख जिल्ला अधिकारी, महिला तथा बालबालिका कार्यालय , सिरहा नगरपालिका ,मालपोत कार्यलयलगायतले यो हप्ता भित्रै जग्गाको टुंगो लगाउन सके सुरक्षित घर निर्माणका लागि छुट्टयाएको यो वर्षको बजेट खर्च हुने उहाँले बताउनुभयो।

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: