बाटो परिवर्तन गर्दै भारत पुर्‍याउने दाउ असफल


प्रकाशित मिति :2016-06-28 12:23:25

महिला खबर
कपिलवस्तु । महिलालाई बिभिन्न प्रलोभनमा पारी  बेच्ने एक पुरुष कपिलवस्तुको कृष्णनगरबाट पक्राउ परेका छन् । नेपाल प्रहरी, सशस्त्र प्रहरी बल राजश्व भन्सार सुरक्षा गुल्म कृष्णनगर र मानव बेचबिखन तथा ओसारपसारविरुद्ध क्रियाशिल संस्था के.आई. नेपालको संयुक्त टोलीले  ३६ वर्षीय बेलबहादुर विश्वकर्मालाई  नियन्त्रणमा लिएको हो ।

विश्वकर्मा सल्यान जिल्लाको हिलोन्चका  रहेको प्रहरीले जनाएको छ । विभिन्न प्रलोभनमा पारी प्युठानक हंशपुर  र बाङ्गेसाल का दुईजना किशोरीलाई सीमा कटाउने क्रममा  उनलाई  नियन्त्रणमा लिइएको हो ।

उनले दुईमध्ये एकजना किशोरीसँग चिनजान गरी समय समयमा मोबाईलमा रिचार्ज गरिदिने, काठमाडौंलगायत ३ ठाउँमा घर भएको र भारतमा आफ्नै कम्पनी भएको भनी विभिन्न  प्रलोभनमा पारेको  अनुसन्धानका क्रममा खुलेको ईलाका प्रहरी कार्यालय कपिलवस्तुका प्रहरी निरीक्षक सञ्जय रिजालले जानकारी दिनुभयो ।

पटक पटक गरी धेरै महिलालाई  बेचेको बुझिएपछि कानुनी प्रकृया अगाडि बढाइएको रिजालको भनाई छ । । चन्द्रौटाबाट सीमासम्म मोटरसाईकलमा ल्याउने र सीमामा कसैले सोधेमा श्रीमान् बिरामी हुनुहुन्छ भनेर सिकाई चोर बाटो प्रयोग गरी भारत छिराउने गरेको सोधपुछ गर्दा खुलेको प्रहरीले बताएको छ ।

विकले धेरै पैसा कमाउने जागीर लगाइदिने  भनी ती दुईमध्ये एक किशोरीलाई  दाङको भालुवाङ्ग बोलाई मोटरसाईकलमा राखी भारतसम्म पुर्‍याएका थिए भने अर्कीलाई  चन्द्रौटा बोलाई पुनः मोटरसाइकलमा लिएर आउदै गर्दा  सीमा निगरानी कडा देखेपछि  ती किशोरीलाई पैदल हिड्न लगाइ आफू भने  अर्कै बाटो मोटरसाईकल लिई भारत छिरेको के.आई. नेपाल कृष्णनगरले जनाएको छ ।

पक्राउ परेका विकलाई मानव बेचविखन तथा ओसारपसारविरुद्ध मुद्दा दर्ता गरी अनुसन्धान प्रक्रिया अघि बढाइएको प्रहरी निरीक्षक रिजालले बताउनुभयो । उद्धार गरिएका दुई किशोरी भने केआई नेपालको आपत्कालिन गृहमा राखिएको छ । के.आई. नेपालका अनुसार पीडित किशोरीका आफन्त सम्पर्कमा आइसकेको र उनीहरूलाई घर फिर्ता गर्ने पहल भइरहेको  छ ।

    Comment Here!

Related NEWS
मुख्य खबर

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

Read more
© 2015.All rights reserved by mahilakhabar.com
%d bloggers like this: