छ महिनामा आठ जना महिलाको अधिकार हनन्


प्रकाशित मिति :2016-06-29 12:05:36

सुमित्रा के सी
रुकुम ।  रुकुममा ६ महिनाको अवधिमा ८  वटा महिला अधिकार हनन्का घटना दर्ता भएका छन् । इन्सेक रुकुमले ६ महिनाको अवधिमा जिल्लामा भएका मानव अधिकार उल्लंघनका घटना सार्वजनिक गरेको छ । जिल्लामा ६ महिनाको अवधिमा आठ वटा महिला माथि भएका हिंसाका घटना ईन्सेकले सार्वजनिक हो ।

रुकुममा यो अवधिमा आमा, छोरासहित २ जनाको हत्या भएको छ भने २ जनाको हत्याप्रयास भएको छ । इन्सेकका अनुसार रुकुम खारा आठकी  गीता ओली र उनका १ वर्षीय छोरा अमर ओलीको गत वैशाख ३१ गते हत्या भएको छ ।

हत्या आरोपमा पक्राउ परेका २ जनामध्ये खारा कै ४८ वर्षीय नन्दराम ओलीलाई  थुनामा छन भने  ५० वर्षीय खम्वसिंह ओलीलाई १० हजार रुपैयाँ धरौटीमा तारिखमा रिहा गरिएको छ ।

यस्तै आफ्नै श्रीमतीको हत्या प्रयास गर्ने मुसिकोट नगरपालिकाका ३३ वर्षीय दलजीत रावललाई धरौटीमा रिहा गरिएको छ । रावलले धारिलो हतियार प्रयोग गरी श्रीमती कल्पना रावलको हत्याप्रयास गरेको मुद्दा जिल्ला प्रहरी कार्यालयमा दर्ता भएको र रावल १० हजार रुपैयाँमा धरौटीमा रिहा भएको प्रतिवेदनमा उल्लेख छ ।

श्रीमतीको हत्या प्रयास गरेको भन्दै प्रहरीमा  रुकुममा अर्को मुद्दा पनि पर्‍यो । श्रीमतीको हत्या गर्न खोजको आरोपमा मुद्दा परेका मुसिकोट नगरपालिकाका ४५ वर्षीय वीर वहादुर खड्कालाई पनि १० हजार रुपैयाँ धरौटीमा  रिहा गरिएको छ ।

श्रीमती ४५ वर्षीया टिका खड्कालाई खुकुरी प्रहार गरी हत्या प्रयास गरेको भन्दै वीरवहादुर विरुद्ध गत चैत २१ गते प्रहरीमा उजुरी परेको थियो । यसैगरि बलात्कारको प्रयास र बोक्सी ओरापका १/१ वटा र बुहविवाहका ३ वटा घटना यो अवधिमा प्रहरीमा दर्ता भएको इन्सेकको प्रतिवेदनमा उल्लेख छ  ।

स्यालापाखाकी ५० वर्षीया महिलालाई बलात्कारको प्रयास गर्ने ५० वर्षीय शसिराम रोका अहिलेसम्म फरार रहेको प्रहरीलाई उद्धृत गर्दै इन्सेकले जनाएको छ ।

खोलागाउँकी पार्वती अधिकारीलाई बोक्सी आरोप लगाइ सार्वजनिक स्थानमा गाली बेइज्जती गरेको भन्दै पक्राउ परेका खोलागाउँका आईतु जैसी, लक्ष्मीराम जैसी र हस्ती जैसीलाई  २०/२० हजार धरौटी लिएर रिहा गरिएको इन्सेक प्रतिनिधि आदर्श के.सीले जानकारी दिएका छन् ।

    Comment Here!

Related NEWS
मुख्य खबर

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

Read more
© 2015.All rights reserved by mahilakhabar.com
%d bloggers like this: