झुक्याएर सम्वन्ध विच्छेद गराइएकी महिलालाई घरवाट निस्कन दवाव


प्रकाशित मिति :2016-07-04 10:32:45

इन्दिरा खनाल
vlcsnap-2016-06-18-18h12m05s196-2वुटवल । झुक्याएर सम्वन्ध विच्छेदको कागजमा हस्ताक्षर गराइएकी रुपन्देही मंगलापुरकी विद्या गौतमलाई समाज र स्थानीयबासीको लगातार दबावपछि अन्ततः अंश दिन बिद्याका श्रीमान अर्जुन गौतम तयार भएका छन् ।

समाज र प्रहरीका जिल्ला अदालत रुपन्देहीमा १५ दिनभित्र अंश दिने सम्झौता गरेका उनीहरूले १३ दिन वितिसक्दा पनि अंश दिने छाँटकाट देखाएका छैनन् । अंश दिनेभनेपछि घरमै वसेकी विद्यालाई श्रीमान अर्जुन र घर परिवारले अंश दिने लिखित सम्झौताको अवधि सकिन लाग्दा घरबाट जान दवाव दिएको उनले बताएकी छन्  । अंश दिनुको साटो घर खाली गर्न दवाव दिएको विद्याले बताईन् । ‘पहिला घर खाली गर, हामी चावी लगाउँछौं । त्यसपछिमात्र लालपूर्जा दिन्छौं भनेका छन्’–विद्याले भनिन् ।

गत माघमा उनका श्रीमान अर्जुन गौतमले घुम्न जाने वहाना बनाई नेपालगञ्ज पुर्‍याएर डर–धम्कीको  भरमा विद्यालाई सम्वन्ध विच्छेदको कागजमा हस्ताक्षर गराएका थिए । त्यसको केही दिनपछि आफू वैदेशिक रोजगारमा जाने भन्दै विद्यालाई वुटवलमा कोठा खोजेर राखेका थिए । अन्न लिन रुपन्देहीको मंगलापुरस्थित् घर जाँदा ससुराले छोरासँग सम्वन्ध विच्छेद भएको  भनेपछि मात्रै उनले घटनाको वास्तविकता थाहा पाएकी थिइन् ।

‘व्यापार व्यवसाय गर्न हो । हस्ताक्षर नगरे राम्रो हुन्न, भनेर धम्काउनुभयो । पढ्न पनि नपाई हस्ताक्षर गरें । त्यो सम्वन्ध विच्छेद हो भन्ने मलाई थाहा भएन’– विद्याले भनिन् । बिद्याका अनुसार पसलको लागि घरबेटीसँग घरभाडामा लिने सम्झौता पत्र भन्दै अर्जुनले विद्यालाई हस्ताक्षर गर्न लगाएका थिए ।

अर्जुनले भने अदालतमै गएर विद्यासँग सम्वन्ध विच्छेद गराएको दावी गर्दै आएका छन् । बाँके जिल्ला अदालतमा दुवैजनाबीच भएको सम्वन्ध विच्छेदको कागज छ । विद्याले आफूलाई वुटवलबाट घुम्न जाने वहानामा नेपालगञ्जमा पुर्‍याएर डर धम्कीको भरमा जर्वजस्ती हस्ताक्षर गराएको बताउँदै आएकी छिन् । आफू अदालत नगएको र श्रिमानले होटलकै कोठामा कागज ल्याएर हस्ताक्षर गराएको  बिद्याले बताउँदै आएकी छन् ।

आफूलाई झुक्काएर सम्वन्ध विच्छेद गराएको भन्दै तीन महिनादेखि विद्याले प्रहरी–प्रशासन र समाज गुहारेकी थिइन् । स्थानीय महिला समूहको दवावपछि अर्जुनको परिवारले विद्यालाई १३ दिन अघि इलाका प्रहरी कार्यालय वुटवलको रोहवरमा २ कट्ठा ६ धुर अंश दिन मञ्जुरी जनाएको थियो । स्थानियवासीको लामो प्रयासपछि इलाका प्रहरी कार्यालय बुटवलको रोहवरमा अर्जुनका नाममा रहेको जग्गा मध्ये २ कट्ठा ६ धुर जग्गा विद्याको नाममा गरिदिने सहमति भएको छ । शान्ति सुरक्षाका लागि दुवै पक्षलाई एकै ठाउमा राखी छलफल गर्दा दुवैपक्ष सहमत भएको ईलाका प्रहरी कार्यालय बुटवलका प्रहरी नायव उपरिक्षक महेन्द्र खड्का बताउँछन् ।

पन्ध्र दिनभित्र अंश दिने सहमति गरेपनि अहिलेसम्म आफूले नपाएको र पहिला घरबाट निस्कन बारम्वार धम्की दिइएको विद्या बताउँछिन् ।

यस विषयमा प्रतिक्रिया लिनकोलागि अर्जुन गौतमसँग सम्पर्क गर्दा सञ्चारमाध्यमले एकपक्षीय रुपमा समाचार लेखेको भन्दै आफ्नो कुनै प्रतिक्रिया नभएको धम्कीपूर्ण उत्तर दिए ।

थप समाचार..

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: