पार्वती पाण्डे
कपिलवस्तु । लैंगिक हिंसाको अवस्था वुझ्न अधिकारकर्मी महिला आईतवार जिल्ला प्रहरी कार्यालय कपिलवस्तु पुगे ।  उनीहरूले गत जेठ ३० गते राति जबरजस्ती सामूहिक बलात्कारबाट गम्भीर रुपमा अस्वस्थ बनेकी   शिवराज नगरपालिकाकी ३५ वर्षीया थारु समूदायकी  बोल्न नसक्ने महिलामाथि भएको घटना र गत असार १ गते राती भृकुटी नगरपालिका ५ इमिलिया बस्ने  ६१ वर्षीय  ओम बहादुर कुवंरको रहस्यमय तरिकाले भएको हत्याको वारेमा प्रहरी नायव निरिक्षक प्रल्हाद अधिकारी समक्ष वुझेका थिए  ।

महिला अधिकारकर्मीले  दुवै घटनाका दोषीलाई कडा कारवाही गर्न माग गरेका थिए ।  जिल्लामा हुने  लैंगिक हिंसाका पीडकहरूलाई कानुनी कठ्घरामा उभ्याउने र पीडितलाई न्यायको अनुभूति गराउने काम राज्यको भएकाले प्रहरी प्रशासन यसतर्फ गम्भिर हुनुपर्ने उनीहरूको भनाई थियो ।

हिंसामा परेर न्याय खोज्दै प्रहरीमा पुग्ने जोकोही नागरिकलाई प्रहरीले मुस्कानसहितको सेवा प्रदान गर्नु पर्ने कर्तव्यबाट चुक्न नहुनेमा  उनीहरूले जोड दिए ।

 यस अवसरमा प्रहरी नायव निरिक्षक यादवले लैंगिक हिंसाका घटनालाई प्रहरीले गम्भिर रुपले हेर्ने , पीडितलाई न्याय दिने र  पीडकलाई कडा कारवाही गर्ने वचन दिनुभएको थियो   ।