छुवाछुत,विभेद र हिंसाविरुद्ध महिलाले सुरु गरे मेची महाकाली पदयात्रा


प्रकाशित मिति :2016-07-04 13:11:53

लक्ष्मी गौतम

फिदिम आइपुगेका पदयात्री महिलालाई सम्मान पछि विदाई गर्दै पाँचथरवासी। तस्वीर : लक्ष्मी गौतम

फिदिम आइपुगेका पदयात्री महिलालाई सम्मान पछि विदाई गर्दै पाँचथरवासी।
तस्वीर : लक्ष्मी गौतम

पाँचथर । सुदूरपुर्वको ताप्लेजुङ जिल्लावाट चारजना महिलाले नेपाल शान्ति पदयात्रा शुरु गरेका छन् । महिला हिंसा, जातिय छुवाछुत तथा सामाजिक विभेदविरुद्ध सचेतना जगाउन यात्रा सुरु गरिएको अभियन्ताहरूले बताएका छन् । हिमाल पहाड र तराइमा हालै देखिएको असहज स्थितिलाई सहजिकरण गर्न र सामाजिक सद्भावको सन्देश दिन यो अभियान शुरु गरिएकोे आयोजक जनजागरण प्रतिष्ठान नेपालकी अध्यक्ष तथा पदयात्री रेनुका खतिवडाले जानकारी दिनुभयो ।

असार ११ गते ताप्लेजुङवाट शुरु भएको अभियानका अभियन्ता  १८ गते पाँचथरको फिदिम हुँदै इलामतर्फ प्रस्थान गरेका छन् । उनीहरूलाई पाँचथर सदरमुकाम फिदिममा सहायक प्रमूख जिल्ला अधिकारी केशवप्रसाद रिजालसहित  विभिन्न संस्थाले स्वागत र विदाई गरेका थिए ।

पदयात्रीहरूको बिदाई गर्दै सहायक प्रमूख जिला अधिकारी रिजालले यात्रा सफलताको कामना सहित धन्यवाद  दिनुभएको थियो ।

पदयात्रामा रेनुका खतिवडा, रेविका कार्की, सीमा गुरुङ र गीताकुमारी चौधरी सहभागी छन ।

पदयात्राका क्रममा विभिन्न जिल्लाका सदरमुकाममा  सरोकारवालासँग महिलाले विश्वमा  गरेका सफल कामको उदाहरण दिँदै नेपालका महिलाले पनि अवसर पाए गर्न सक्छन भन्ने सन्देश दिने खतिवडाले वताउनुभयो ।

नेपालमा धेरै महिला घर गृहस्थमा व्यस्त रहनुका साथै हिंसा र पीडा लुकाउन वाध्य भएकाले यस्ता महिलालाई बाहिर निस्कन सन्देश दिने पनि उनको भनाई छ । अभियान तीनवर्ष भित्र पुरा गर्ने लक्ष्य रहेको उनीहरूले वताएका छन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: