दोषीलाई उन्मुक्ति दिदैनौंः गृहमन्त्री


समितिले स्थलगत अनुगमन गर्ने

प्रकाशित मिति :2016-07-08 12:14:45

महिला खबर
काठमाडौं । व्यवस्थापिका संसदको सामाजिक न्याय तथा मानव अधिकार समितिले कपिलवस्तुमा भएको बलात्कारको घट्नाका सम्बन्धमा आज गृहमन्त्री, शसस्त्र र जनपद प्रहरीका प्रमुखसँग समितिमा बोलाइ जानकारी लिएको छ । समितिको आज विहान बसेको बैठकमा गृहमन्त्री शक्ति वहादुर बस्नेतले बोल्न नसक्ने महिलामाथि बलात्कार गर्ने कसैलाई पनि उन्मुक्ति नदिने बताउनुभयो  । उहाँले दोषीहरूका बारेमा अनुसन्धान भइरहेका भन्दै बलात्कारमा संलग्न सबैलाई कार्वाहीको दायरामा ल्याउने वचन दिनुभयो । ‘हामी पनि यो घट्नामा संलग्न सवैलाई कार्वाही हुनुपर्ने कुरामा गम्भीर छौं’ गृहमन्त्री बस्नेतले भन्नुभयो ।

दुर्ज कुमार राई

बैठकमा शसस्त्र प्रहरी महानिरीक्षक दुर्ज कुमार राईले घट्ना हुने वित्तिकै घट्नास्थलमा भेटिएका प्रमाणका आधारमा दुईजनालाई निलम्बन गरी कार्वाहीका लागि मुद्दा परिसकेको जानकारी दिनुभयो । जनताको सुरक्षामा खटिएका सुरक्षाकर्मीबाटै यस्ता जघन्य अपराध किन भइरहेछ भन्ने सांसदको जवाफमा राईले भन्नुभयो ‘संगठनभित्र कडा अनुशासन पालना गर्नुपर्ने हुँदाहुँदै उनीहरू पनि यही समाजको उपज भएकाले केहीमा अझैपनि यस्तो प्रबृत्ति छ ।’  आफूहरूले अनुशासनमा कडाइ गरेको उहाँको भनाइ थियो ।

प्रहरी महानिरीक्षक उपेन्द्रकान्त अर्यालले घट्नामा संलग्न भएका दुईजनाको प्रमाणका आधारमा

उमेन्द्र कान्त अर्याल

कार्वाही प्रक्रिया अघि बढाएको जानकारी दिनुभयो । अन्य छ जना घटनामा संलग्न भएको भन्ने  सोधपुछ र अनुसन्धानका क्रममा पुष्टि नभएकाले छोडिएको उहाँको भनाइ थियो । तर उनीहरूमाथिको अनुसन्धान जारी रहेको उहाँले बताउनुभयो ।

प्रहरीले शसस्त्र प्रहरीका जवान लोकराज अवस्थी र राजु थारुविरुद्ध कार्वाही प्रक्रिया अघि बढाएको छ। समितिको बैठकमा सांसदहरूले बलात्कारमा संलग्नहरू सवैजना कुनै हालतमा उम्कन नहुने बताएका थिए । उनीहरूले बलात्कारमा संलग्न सवैलाई  आजीवन कैद हुनुपर्नेमा जोड दिएका थिए ।

सामाजिक न्याय तथा मानव अधिकार समितिको आजको बैठकले यो घट्नाको स्थलगत अनुगमन गर्न उपसमिति बनाउने निर्णय गरेको छ । अनुगमनमा जाने कार्यदलमा सवै दलको प्रतिनिधिको नाम आउने क्रम जारी रहेको कार्यदल बनेपछि छिट्टै घटनास्थल जाने जानकारी सांसद टुकाभद्रा हमालले दिनुभयो ।

शसस्त्र प्रहरीमा कार्यरत जवानबाट सामूहिक बलात्कारमा परेकी बोल्न नसक्ने महिला काठमाडौंको थापाथलीस्थित प्रसूति गृहमा उपचार गराइ अहिले घर फर्केकी छन् ।  ३५ वर्षीया उनलाई गत जेठ  ३० गते साँझ शसस्त्र प्रहरीमा कार्यरत जवानले बलात्कार गरेका थिए ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: