सीप सिकेपछि लोभलाग्दो प्रगति


प्रकाशित मिति :2016-07-09 12:00:12

भिम सिजापति
दैलेख ।  सदरमुकाममा थुप्रै बेरोजगार युवायुवती भेटिन्छन् । कोही कामको खोजीमा गैरसरकारी संघ संस्था धाउँछन् त कोही रोजगारीको  सिलसिलामा विदेश जानको लागि पासपोर्ट बनाउँन जिल्ला प्रशासन कार्यालय धाइरहेका भेटिन्छन् ।
Prakriti Thapa-1
हातमा सीप नहुँदा यसरी अरुले  कामका दिन्छन् की भनेर धाउनुपर्ने बाध्यता हो । तर सुखी र खुसी जीवन विताउन लागि त सीप पो चाहिन्छ । गरे के हुन्न भन्ने एक उदाहरण बनेकी छन्  दैलेखकी प्रकृति थापामगर ।

उनले अहिले सिलाई कटाईको काम गरेर दैनिक ४/५ सय त कहिले काहीँ  एक हजार रुपैयाँसम्म आम्दानी गर्छिन्  पाँचवर्ष अघि सिलाई कटाई तालिम लिएकी  उनले अहिले यही व्यवसायबाट राम्रो आम्दानी गरिरहेकी छन् ।

सदरमुकाममा सानो  भाडाको कोठामाले उनले तीनवटा लुगा सिलाउने मेशिन राखेकी छन्  । उनले महिला र पुरुष दुवैका लुगा  सिलाउँछिन् । प्रकृतिले २ वर्षअघि आफ्नै सानो लगानीमा यो व्यवसाय सुरु गरेकी हुन् ।  ‘सुरुकै दिनदेखि कामको खाँचो छैन’ उनी भन्छिन् ।

श्रीमान् पत्रकारिता गर्छन्, श्रीमानको नाम राम्रो छ, तर दाम छैन’ उनले भनिन् ।श्रीमानको कमाईबाट हातमुख जोर्न र कोठा भाडा तिर्न मुश्लिक पर्ने उनको भनाइ छ ।

दश जोड दुई पास गरेकी उनले सिलाई कटाई सम्वन्धि तालिम लिएपछि  जिविकोपार्जनमा सहज भएको बताइन् ।  पसलको सबै खर्च कटाउँदा महिनामा सरदर पन्ध्र/ वीस हजार रुपैयाँ कमाई हुन्छ । ‘घर बसेर त्यसै बित्ने समय काम गरेर भएको आम्दानीले भनेको बेला सुखले मिठो मसिनो खान पाइएको छ’ उनले भनिन् । अहिले त चाहिएको ठाउँमा खर्च गर्ने पैसा अरुसँग माग्न नपर्दा  खुशी लागेको उनी बताउँछिन् । उनको पसलमा आज भोली कामको चाप पनि बढेको छ त्यसैले उनले अरु सहयोगी पनि राख्ने योजना बनाएकी छन् ।

उनीसँग तालिम लिने धेरैले अहिले यही व्यवसायमार्फत स्वरोजगार बनेको प्रकृित बताउँछिन् ।  तालिम लिएकामध्ये सबैजसोले आफैंले पसल खोलेका छन् । थोरै लगानीबाट पनि व्यवसाय गर्न सकिने हुँदा अरुकोमा काम खोज्नु भन्दा आफ्नै व्यवसाय गर्न फाइदा हुने हुनाले सिलाइकटाइ तिर धेरै महिला आकर्षित हुन थालेको उनको अनुभव छ ।

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: