लिङ्ग पहिचान गरी गर्भपतन गर्ने देशहरूको सूचीमा नेपाल ११ अौं स्थानमा


प्रकाशित मिति :2016-07-12 16:22:54

महिला खबर
ranking

एसियन सेन्टर फर ह्युमन राइट्सले  ( ACHR ) प्रकाशन गरेको एक प्रतिवेदनमा छोरा र छोरी जन्मदाको लैंगिक अनुपात भिन्नतामा नेपाल ११ अौ स्थानमा परेको छ।

‘फिमेल इन्फेन्टिसाइड वर्ल्ड वाइड ‘ प्रतिवेदनमा ACHR ले छोराको चाहनामा छोरीलाई भ्रुणमै हत्या गर्ने प्रवृति संसारभरी रहेको  देखाएको छ ।  प्रत्येक वर्ष  १५ लाख छोरीको  भ्रुणमै हत्या हुने गरेको प्रतिवेदनमा उल्लेख छ। प्रतिवेदन अनुसार लिङ्ग पहिचान गरी गर्भपतन गर्ने सूचीमा चीन दोस्रो स्थानमा रहेको छ । यसैगरि भारत चौंथो स्थानमा र युरोपेली देश लिकटेन्स्टिन चाहि पहिलो स्थानमा रहेको छ।

सेन्ट्रल इन्टेलिजेन्स एजेन्सी वर्ल्ड  फ्याक्टबुकले ACHR लाई तथ्याङ्क उपलब्ध गराए अनुसार ACHR ले विश्वका मुख्य  मुख्य देशसहितको सूची तयार गरेको थियो।

सन् १९९० पछिका विभिन्न अध्ययनहरूले  गर्भमा छोरी भए पतन गराउने महिलाको संख्या कम हुँदै गइरहेपनि  उक्त समस्या अझै गम्भिर भएको उल्लेख गरेका छन् ।

संयुक्त राष्ट्रसंघका अनुसार सन् २००७ मा संसारबाट भौगोलिक हिसाबले एघार करोड ३० लाखदेखि २० करोड  महिला हराइरहेका छन् र एसियामा मात्रै  लिङ्ग पहिचानपछि गरिने गर्भपतनका  कारण करिब एघार करोड ७० लाख महिलाको संख्या कम भएको छ ।

प्राकृतिक रुपमा  सय र एकसय छ जना छोरा जन्मँदा सयजना छोरी  जन्मिने  गरेको पाईन्छ, तर छोरीको लिङ्ग पहिचान गरी गर्भपतन गराउने प्रवृत्तिका  कारण पुरुषको संख्या निकै बढ्दै गइरहेको  प्रतिवेदनमा उल्लेख छ।

नेपालमा मार्च २००२ अघि गर्भवतीको ज्यान जोखिममा रहेको अवस्था बाहेकको अवस्थामा गर्भपतनलाई अपराध मानिँदै आएको थियो, तर २००२ पछि  गर्भपतनले कानुनीमान्यता पाएको छ। नेपाल एउटा पितृसत्तात्मक राष्ट्र भएका कारण छोराको चाहना र अन्य सामाजिक तथा धार्मिक मुल्य मान्यताका कारण लिङ्ग पहिचानपछि छोरी भए गर्भपतन गर्ने गरेको पाइन्छ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: