श्रीमतीको हत्या आरोपीलाई कारबाहीको माग गर्दै धर्ना


प्रकाशित मिति :2016-07-22 12:51:14

महिला खबर
भक्तपुर । भक्तपुरको सल्लाघारीस्थित घरमा आफ्नै २३ वर्षीया श्रीमती दीपा कार्कीको  हत्या गरेको आरोपमा पक्राउ परेका २५ वर्षीय विजय कार्कीलाई सर्वस्वसहित जन्मकैदको माग गर्दै आफन्तले प्रहरी वृत्त जगाते घेराउ गरेका छन् ।

सूर्यविनायक नगरपालिका सल्लाघारीस्थित आफ्नै घरमा कार्कीले गत असार २९ गते दिउँसो श्रीमतीको हत्या गरी भाग्दै गरेको अवस्थामा प्रहरीले एयरपोर्टबाट नियन्त्रणमा लिएको थियो ।

मृतक कार्कीको माइती पक्ष र आफन्तले हत्या अभियुक्त कार्कीलाई कडा कारबाही नगरी प्रहरीले मुद्दा फितलो बनाउन लागेको आरोप लगाउँदै बिहीबार साँझसम्म कडा कारबाहीको माग गर्दै र्यालीसहित प्रहरी वृत्त घेराउ गरेका हुन् ।

मृतक कार्कीका बाबु रामप्रसाद ढकालले छोरी दीपाको हत्या भएकै दिन प्रमाणसहित प्रहरीले विजयलाई पक्राउ गरेपनि मुद्दा फितलो बनाएर उन्मुक्ति दिने प्रयास गरेको आरोप लगाउँदै र्याली र घेराउ गरेको बताउनुभयो ।

सयौँको सङ्ख्यामा पीडित पक्षले भक्तपुरको सिर्जनानगरदेखि जगाते प्रहरी वृत्तसम्म हत्यामा संलग्नलाई कारबाहीको माग गर्दै विरोध र्याली प्रदर्शन गरी प्रहरी वृत्तमा पुगेर धर्ना दिएका थिए ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: