महिला लक्षित कार्यक्रममा अत्यन्त न्यून बजेट खर्च


प्रकाशित मिति :2016-07-24 11:38:39

सर्मिला बुढाथोकी

दोलखा। जिल्ला विकास समिति दोलखाले आर्थिक वर्ष ०७२/०७३ मा ४८ करोड १६ लाख ७८ हजार ९ सय ४९ रुपैयाँ ९ पैसा खर्च गर्दा महिला लक्षित कार्यक्रमको लागि भने ४ लाख ३० हजार रुपैयाँमात्र खर्च गरेको देखिएको छ। त्यसरी खर्च गरिएको रकम मध्ये १० करोड ७१ लाख ८ हजार रुपैयाँ गाविस अनुदान रहेको र गाविसले पनि उक्त रकमबाट महिला लक्षित कार्यक्रमको लागि बजेट छुट्टयाउने जिल्ला विकास समिति दोलखाका योजना शाखा प्रमुख कृष्ण कार्कीले बताउनुभयो।

गाविसले छुट्टयाउने रकम बाहेक जिल्ला विकास समितिले भने महिला लक्षित कार्यक्रमको लागि ४ लाख ३० हजारमात्र छुट्टाएको कार्कीले बताउनु भयो।महिला लक्षित कार्यक्रमको लागि खासै योजना माग नहुने उहाँको भनाइ छ। जिल्ला विकास समिति अर्न्तगतको महिला समन्वय समितिले पनि सक्रियताका साथ योजना निर्माण गर्ने र अधिक बजेट छुट्टयाउन दवाव दिन नसक्ने भएका कारण महिला लक्षित कार्यक्रमको लागि अत्यन्त न्युन रकम खर्च भएको जिविसकै कर्मचारीहरू बताउछन्।

जिल्ला विकास समिति दोलखाले महिला लक्षित कार्यक्रम अर्न्तगत बिभिन्न महिलाहरूका लागि आधारभूत कम्प्युटर तालिम गर्न ७० हजार, भीमेश्वर नगरपालिका अर्न्तगत रहेको महिला स्वयंसेविकाको कार्यालय व्यवस्थापनको लागि कम्प्युटर खरिद गर्न ५० हजार, ब्युटिसियन तालिमको लागि ४० हजार, एकल महिलाको नेतृत्व विकास तालिमको लागि ६० हजार, काटाकुटी गाविसमा महिलाका लागि सिस्नुको पाउडर बनाउने तालिमको लागि ७० हजार, लादुक गाविस वडा नम्बर ५ मा ठकुरी कुवापानी योजना निर्माणको लागि ५० हजार, भीमेश्वर नगरपालिका वडा नम्बर ६ कातिकेमा खानेपानी योजना निर्माणको लागि ७० हजार र महिला दिवस मनाउन २० हजार गरी ४ लाख ३० हजार छुट्टाएको योजना शाखाले जनाएको छ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: