शोषणमा नर्सिङ्ग पेशा


प्रकाशित मिति :2016-07-29 14:35:33

रुपा गहतराज
नेपालगन्ज ।  नर्सविना अस्पतालमा बिरामीको उपचार सम्भव छैन,  तर नर्सलाई सुविधा र सम्मान दुवै नभएको गुनासो नर्सको सँधैजसो हुन्छ ।

नेपालगञ्जसहित देशभरी अहिले नर्सिङ्ग शिक्षामा आर्कषण बढेको छ  ।  नर्सिङ्ग क्षेत्रमा जति जनशक्ति उत्पादन भईरहेको छ त्यसरी रोजगारी सिर्जना हुन नसकेको नेपालगन्जको एक अस्पतालमा कार्यरत नर्स चन्द्रा शर्मा  बताउँछिन् ।

Nurse

अहिलेपनि नातावाद,कृपावाद हावी भएको भन्दैँ निजी क्षेत्रका अस्पतालले नर्सको श्रम शोषण गरिराखेको आरोप उनको छ । नेपालगन्जस्थित एक निजी अस्पतालमा कार्यरत नर्स मेलिना भुर्तेलले पनि नर्स भएर जागिर खान  सजिलो नभएको बताउँछिन् ।  हातमा नर्सिङ्ग प्रमाण पत्रको थुप्रो भएता पनि शुरुमा स्वयंसेवा गर्नपर्ने र जागिर पाईएपनि न्यून सेवा सुविधामा काम गर्नुपर्ने नर्सहरूको वाध्यता रहेको गुनासो  उनको छ ।

नर्सिङ्ग क्षेत्रलाई आप्mनो करियर नैँ बनाउने सोचका साथ लागि परेका सबैको सपना सजिलै पूरा हुन नसक्ने भएकाले यसमा घर परिवार,समाज र राज्यको पनि उत्तिकै भूमिका हुने अर्की नर्स मित्रा कुमारी रेग्मीे बताउँछिन्  । उनले विगतको भन्दा  समाजिक सोच व्यवहारमा केही परिर्वतन आएपनि अपेक्षाकृत रुपमा नर्सले सेवा सुविधा पाउन नसकेको बताइन् ।

भेरी अञ्चल अस्पताल नेपालगन्जका नर्सिङ्ग प्रशासक दुर्गा लक्ष्मी श्रेष्ठले सरकारले तयार पारेको नर्सिङ्ग स्वास्थ्य निर्देशिका २०७२ पुर्ण रुपमा कार्यान्वयन हुन सके नर्सिङ्ग क्षेत्रमा देखिएका धेरै समस्या हल हुने बताउँछन् । नर्सको हक अधिकारका लागि क्रियाशिल संघ,संस्थाले निर्देिशका कार्यन्वयनका लागि दवाव मुलक काममा जोड दिनु पर्ने उनको भनाई छ ।

आफ्ना समस्यालाई विर्सेर भएपनि नर्सले दिएको सेवालाई भने विरामीहरूले खुलेरै प्रशंसा गर्छन् ।  नेपालगन्जको एक निजी अस्पतालमा उपचार गराईहेका नेपालगन्ज बसुदेवपुरका प्रेम विकले नर्सको सेवा प्रति आफू सन्तुष्ट रहेका प्रतिक्रिया दिए  । अहिले नेपालमा एउटा स्टाफ नर्सको मासिक तलब न्युनतम १० देखि २२ हजार बराबर रुपैयाँ र योग्यता अनुसार थप सेवा सुविधा भएता पनि मंहगी लगायतका समस्याले गर्दा यो रकम पर्याप्त नभएको गुनासो  उनीहरूको छ । वाहिर निकै आकर्षक लागेपनि  भित्र थुप्रै समस्या झेल्नुपरेको नर्सहरूको अनुभव छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: