न्यायाधीश हुने बाटो खुल्योःदुई महिलासहित एघारजनाको नाम अनुमोदन


प्रकाशित मिति :2016-07-31 12:51:09

महिला खबर
काठमाडौं  । संसदीय सुनुवाइ विशेष समितिले सर्वोच्च अदालतका न्यायाधीशमा नियुक्तिका लागि न्याय परिषद्बाट सिफारिस    दुईजना महिलासहित ११ जनाकै नाम अनुमोदन गरेको छ ।

समितिको आजको बैठकले सर्वोच्च अदालतको न्यायाधीशका लागि प्रस्ताव गरिएका पुनरावेदन अदालतका मुख्य न्यायाधीश सात र चार वरिष्ठ अधिवक्ताको नाम अनुमोदन गरेको  हो ।

सर्वोच्च अदालतका न्यायाधीशमा अनुमोदन हुनेमा पुनरावेदन अदालतका मुख्य न्यायाधीश दीपककुमार कार्की, केदारप्रसाद चालिसे, शारदाप्रसाद घिमिरे, मीरा खड्का, विश्वम्भरप्रसाद श्रेष्ठ, ईश्वरप्रसाद खतिवडा र डा आनन्दमोहन भट्टराई हुनुहुन्छ ।

वरिष्ठ अधिवक्ता  सपना मल्ल, हरिकृष्ण कार्की, अनिलकुमार सिन्हा, प्रकाश राउतको नाम समितिले सुनुवाइपछि अनुमोदन गरेको छ । अनुमोदित नाममध्ये कार्यकाल र उमेर हदका हिसाबले प्रस्तावित न्यायाधीश श्रेष्ठ तथा वरिष्ठ अधिवक्ता  सपना मल्ल प्रधान, हरीकृष्ण कार्की र प्रकाश राउतलाई प्रधानन्यायाधीशको जिम्मेवारी समेत मिल्ने सम्भावना छ ।

पछिल्लो नियुक्तिपछि अदालतमा प्रधानन्यायाधीशसहित तीनजना महिला न्यायाधीश हुनेछन् । परिषदबाट शिफारिस गरिएकामध्ये मल्लका बारेमा निकै विवाद भएको थियो । पहिलो संविधान सभामा नेकपा एमालेका तर्फबाट समानुपातिक सभाषद रहिसकेकोले राजनीतिक आवद्धता रहेको भन्दै उहाँको नाम विवादमा तानिएको हो ।

राष्ट्रपतिले नियुक्ति दिएपछि  उनीहरू  सर्वोच्च अदालतका स्थायी न्यायाधीश हुनेछन् ।

थप समाचार

    Comment Here!

Related NEWS
मुख्य खबर

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

Read more
© 2015.All rights reserved by mahilakhabar.com
%d bloggers like this: