सर्वोच्च अदालतको ऐतिहासिक दिन : दुई महिला ‘श्रीमान्’को स‍ंयुक्त इजलासको पहिलो दिन पाँच फैसला


प्रकाशित मिति :2016-08-02 11:01:00

महिला खबर

काठमाडाैं । सोमबार पहिलो पटक दुई महिला श्रीमानको स‍ंयुक्त इजलास तोकियो। यो इजलास तोक्ने काम अर्का महिला अर्थात् प्रधानन्यायाधीश सुशीला कार्कीले गरेकी थिइन्।

नेपालको न्याय प्रणालीमा महिला न्यायाधीशको कल्पना गरिएको थिएन भन्ने कुरा त न्यायाधीशलाई भन्ने ‘श्रीमान्’ शब्दको प्रचलनबाटै थाहा पाइन्छ। यसअघि शीलु सिंह, शारदा श्रेष्ठ, गौरी ढकाल गरी तीन जना मात्र महिला न्यायाधीश सर्वोच्चमा पुगेकी थिइन्। यस पटक भने सुशीला कार्की नेपालकै पहिलो प्रधान न्यायाधीश बन्न सफल भइन्। अनि उनकै नेतृत्वमा दुई जनालाई सर्वोच्चमा न्यायाधीश बनाइयो- मीरा खड्का र सपना प्रधान मल्ल।

Judge

पुनरावेदन अदालत इलामकी मुख्य न्यायाधीश हुँदै सर्वोच्चमा ल्याइएकी हुन् मीरा खड्का। सपना प्रधान मल्ल भने वकालत गरेको अनुभवबाट न्यायाधीशमा ल्याइएकी हुन्। एमालेबाट समानुपातिक सभासद निर्वाचित भइसकेकीले राजनीतिक पृष्ठभूमिलाई लिएर उनको नाममा निकै विवाद भएको थियो। तर प्रधानन्यायाधीश आफैले मैले हो महिलालाई ल्याउन खोजेको, अरु पाइएन योग्यता पुग्ने भएकोले उनलाई ल्याएँ भन्दै उनको डिफेन्स गरेपछि आलोचकहरु चुप भएका थिए।

स‍ंसदीय सुनुवाई विशेष समितिले आइतबार प्रस्तावित ११ जना न्यायाधीशको नाम सर्वसम्मत अनुमोदन गरेपछि सोमबार बिहान राष्ट्रपति विद्यादेवी भण्डारीले उनीहरुलाई नियुक्त गरिन्। सोमबारै उनीहरुको शपथ ग्रहण भयो। अनि प्रधानन्यायाधीशले एक दिन पनि आराम गर्न नदिई आजै नवनियुक्त न्यायाधीशहरुलाई इजलास तोकिदिइन्।

यसै अनुसार इजलास नम्बर १२ ऐतिहासिक बन्न पुगेको हो। यो मीरा खड्का र सपना प्रधान मल्लको स‍‍ंयुक्त इजलास थियो। यस इजलासमा ८ वटा पेशी तोकिएकोमा निस्सा नहुने पाँच फैसला भयो भने ३ वटा मुद्दा हेर्न भ्याइएन।

साभारः माइ संसार डट कम

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: