विद्यार्थी विरामी भएपछि विद्यालय बन्द


प्रकाशित मिति :2016-08-03 14:30:06

महिला खबर

दोलखा। दोलखाको लापिलाङ गाविस वडामा रहेको जनज्योती माविका अधिकांश विद्यार्थी विरामी हुन थालेपछि विद्यालय बन्द गरिएको छ।
जिल्ला शिक्षा कार्यालय दोलखाको अनुमतिमा शुक्रवारसम्मको लागि विद्यालय बन्द गरिएको विद्यालयका शिक्षक गणेश कार्कीले जानकारी दिनुभयो।
कक्षा ६, ७ र ८ का अधिकांश विद्यार्थीलाई जरो आउने, टाउको दुख्ने, खोकी लाग्ने, वान्ता हुने जस्ता समस्या देखिएर विद्यालय आउन नसक्ने अवस्था बनेपछि जिल्ला शिक्षा कार्यालय र जिल्ला स्वास्थ्य कार्यालयलाई जानकारी गराई विद्यालय बन्द गरिएको शिक्षक गणेश कार्कीले बताउनु भयो। करिब तीन सय ५० विद्यार्थी अध्ययन गर्ने विद्यालयका ६० प्रतिशत विद्यार्थी विरामी परेको पनि कार्कीले बताउनु भयो।
जिल्ला स्वास्थ्य कार्यालय दोलखाका महामारी तथा रोग नियन्त्रण शाखाका प्रमुख जनस्वास्थ्य निरीक्षक केशव रिजालले पनि विद्यालयमा विद्यार्थी विरामी भएकोबारे जानकारी आएको उल्लेख गर्दै अहिलेको मौसमका कारण उनीहरूमा इन्फ्लुइन्जा डि भाईरसले समस्या बनाएको हुनसक्ने बताउनु भयो।
लापिलाङ गाविसमा रहेको सामुदायिक स्वास्थ्य इकाईमा पनि दैनिक ३०/४० जना त्यस्तै प्रकृतिको विरामी आउने गरेको जानकारी प्राप्त भएको र जिल्ला स्वास्थ्य कार्यालयको टोली थप औषधिसहित शुक्रवार प्रभावित क्षेत्रमा पुग्ने रिजालले बताउनुभयो। अहिले सामुदायिक स्वास्थ्य ईकाईमा रहेका अहेव र अनमीले उपचार गरिरहेको पनि रिजालले जानकारी दिनुभयो।

जिल्ला शिक्षा अधिकारी लोकबहुर लोप्चनले जनज्योती माविका विद्यार्थी विरामी भएको जानकारी प्राप्त भएको उल्लेख गर्नुहुदै विद्यालयले नै आवश्कता हेरी पाँच दिनसम्म विद्यालय बन्द गर्न सक्ने प्रावधान रहेकोले सोहि अनुसार गर्न अनुमति दिईएका बताउनु भयो। जिशिअ लोप्चनले विद्यार्थीहरुको उपचारको व्यवस्था मिलाउन जिल्ला स्वास्थ्य कार्यालयसंग समन्वय गरिएको पनि बताउनु भयो।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: