संयुक्त राष्ट्रसंघभित्रै लैंगिक विभेद !


प्रकाशित मिति :2016-08-05 13:23:40

महिला खबर

एजेन्सी । संयुक्त राष्ट्रसंघको सचिवालय संयुक्त राष्ट्रसंघको प्रमुख अङ्ग हो, सचिवालयमा महासचिवको भूमिका प्रमुख हुने गर्दछ। महासचिवले वास्तवमा संयुक्त राष्ट्रसंघको प्रमुख प्रवक्ता र प्रमुख नेताको काम गर्दछन् । संयुक्त राष्ट्रसंघको इतिहासमा महिलाले महासचिव हुने अवसर पाएका  छैनन्। ७० वर्षे संयुक्त राष्ट्रसंघको इतिहासमा अहिलेसम्म ८ जना महासचिव रहिसकेका छन्, तर अहिलेसम्म सवै पुरुषमात्रै  छन्।

Untitled-4 copy

महासचिव निर्वाचन गर्ने संयुक्त राष्ट्रसंघको अहिलेसम्मको परम्परा हेर्दा यो एकपछि अर्कोलाई पालो (Regional rotation) दिने सिद्धान्तमा आधारित छ ।  सन् २०१६ मा संयुक्त राष्ट्रसंघको  नयाँ महासचिवका लागि निर्वाचन हुँदैछ । अव महासचिवको पद पाउने पालो पुर्वी यूरोपको हो । महासचिव पदमा महिला  हुनुपर्छ भन्ने धारणा विश्वव्यापी रुप मै जोडतोडले उठिरहेको छ ।  धेरैजसो देशले यसलाई कडा रुपमा समर्थन गरेका छन् ।

गत जुलाई २१ मा संयुक्त राष्ट्रसंघ सुरक्षा परिषदले महासचिवको उम्मेद्वारीका लागि पहिलो चरणको अनौपचारिक निर्वाचन गरेको छ । उक्त निर्वाचनमा संयुक्त राष्ट्रसंघ कै इतिहासमा पहिलोपटक ५० प्रतिशत भन्दा धेरै उम्मेद्वारी महिलाको परेको थियो । १३ जना उम्मेद्वारमध्ये ७ जना  महिला थिए । तर मतदानमा फेरि पुरानै इतिहास दोहोरिएको छ, पुरुष उम्मेद्वारले महिलाको भन्दा राम्रो मत ल्याएका छन्। दौडमा रहेका प्रमुख ५ जनामा  एकजना महिला यूनेस्कोकी प्रमुख ईरीना बोकोभोमात्र तेस्रो  स्थानमा परेकी छन् । बाँकी ४ जना महिला सूचीको तल्लो स्थानमा परेका छन् ।  यूनेस्को प्रमुख बोकोभोले ९ वटा इनकरेज भोट र ४ वटा डिसकरेज भोट पाएकी थिइन्। संयुक्त राष्ट्रसंघ प्रमुख तथा न्यूजिल्यान्डका पुर्व प्रधानमन्त्री हेलन कलर्क प्रथम तीन स्थानमा आउन सकिनन् । उनी प्रबल दावेदारको सूचीमा छैंटौ स्थानमा परिन् ।  उनले ८ इनकरेज भोट र ५ डिसकरेज भोट पाएकी थिइन्। अर्जेण्टिनाकी विदेशमन्त्री शुशना माकोरा ८ अौ र क्रिस्टियाना फिगरर ९ अौ स्थानमा आए । क्रिस्टियाना फिगरर यूएन फ्रेमवर्क कनभेन्सन अन क्लाइमेट चेन्जकी एक सफल प्रमुख थिइन्। प्रथम ५ जना प्रबल दावेदारमा ४ जना पुर्वी यूरोपबाट रहेका छन्।

यो परिणामले लैङ्गिक विभेदको प्रश्न खडा गरेको छ । संयुक्त राष्ट्रसंघको महासचिवमा महिला छानिनुपर्ने र महिलावादीहरूले संयुक्त राष्ट्रसंघलाई अग्रसर गराउनुपर्छ भन्दै  संयुक्त राष्ट्रसंघ सुरक्षा परिषदमा नागरिक समाजबाट ज्ञापनपत्रहरू आएका छन् । ६० वटा सदस्य राष्ट्रले  यसकालागि दबाव दिनुका साथै ५० जना संयुक्त राष्ट्रसंघका विषेशज्ञ तथा पुर्व नेताहरूले हस्ताक्षर समेत बुझाएका छन् ।

संयुक्त राष्ट्रसंघले संस्थाभित्र आफ्ना कर्मचारी र काममा लैङ्गिक समानतालाई प्रोत्साहन गर्ने प्रतिबद्धता गरेको छ, तर जुन कार्यान्वयन भने हुन सकेको छैन्। संयुक्त राष्ट्रसंघमा कर्मचारी नियुक्त गर्दा लैङ्गिक समानताका लागि कुनै पनि आरक्षणको व्यवस्था छैन् । कर्मचारी बढुवाका लागि द्वन्द्वग्रस्त ठाँउमा गएर काम गर्नुपर्ने हुन्छ र जहाँ परिवारसँग सम्पर्कका लागि अनुमति दिइएको हुँदैन, जसले परिवार तथा बालबच्चा भएका महिलालाई विभेद गर्दछ। यसले महिलालाई माथिल्लो र ठुलो पदका लागि अगाडि बढ्नका लागि रोकेको वेलायतको एक वेवसाइट अपन डेमोक्रेसी डट नेटमा उल्लेख छ ।

‘अब संसारमा धेरैले संयुक्त राष्ट्रसंघ परिवर्तन खोजेका छन्। अब पुरानो परम्परालाई तोड्दै महासचिवमा महिला आउन आवश्यक छ जसले संयुक्त राष्ट्रसंघमामात्र नभइ अन्तर्राष्ट्रिय राजनीतिमा लैङ्गिक समानतालाई प्रोत्साहन गर्न मद्दत पुर्याआउनेछ । सुरक्षा परिषदका सदस्यले चाहेमा यो हुनसक्छ र संयुक्त राष्ट्रसंघ अब २१ अौ शताब्दिको हो भन्ने सन्देश दिन आवश्यक छ’  वेवसाइटमा भनिएको छ।

थप समाचार…

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: