घरेलुहिंसा र पारिवारिक तनावले बढयो आत्महत्या


प्रकाशित मिति :2016-08-07 12:41:15

पार्वती पाण्डे

कपिलवस्तु । मानिसले कुनैपनि गम्भिर कारण नभई आत्महत्यासम्म गर्ने योजना बनाउँदैन । कुनै न कुनै पीडा नभईकन घाँटीमा पासो लगाउन कुनै पनि मानिस वाध्य हुँदैन । चरम पीडाले छटपटाएर मर्नुको विकल्प नदेखेर मानिस आत्महत्या गर्ने गरेको तथ्यहरू वाहिर आउने गरेका छन् । रोजगारी नपाएका कारण, पारिवारिक तनाव , गरीबी , अशिक्षाका कारण आत्महत्या वा विष सेवन गर्ने गरेको प्रहरीले बताएको छ ।

कपिलवस्तुमा तीन वटा आर्थिक वर्षमा १ सय २३ महिलाले आत्महत्या गरेको तथ्य जिल्ला प्रहरीमा रहेको छ । प्रहरीमा रहेको तथ्यांक अनुसार २०७०÷७१ मा २७ जना महिलाले आत्महत्या गरेका छन् । जसमा झुण्डिएर १३ , विष सेवन गरि १३ र आफै आगो लगाएर १ जना गरि २७ जनाले आफैँलाई मृत्युको मुखमा धकेले ।

त्यस्तै कार्यालयको तथ्यांक अनुुसार २०७१÷७२ मा झुण्डिएर ३५, विष सेवन गरि २७ र आफैँ आगो लगाएर १ जना गरी ६३ जनाको मृत्यु भएको छ । अघिल्लो वर्षको तुलनामा गतवर्र्ष आत्महत्या गर्नेेको संख्या घटेको तथ्यांकले देखाउँछ । प्रहरीका अनुसार आर्थिक वर्ष २०७२÷७३ मा ३३ जनाले आत्महत्या गरेका छन् ।

जिल्ला प्रहरी कार्यालयका प्रहरी उपरिक्षक विष्णु कुमार के. सीले घरेलु हिंसा, पारिवारिक तनाव, अशिक्षा, गरीबीका कारण महिलाले आत्महत्या गर्ने गरेको भेटिएको बताउँछन् । उहाँका अनुसार १६ वर्षदेखि २५ वर्ष उमेरका महिला आफुखुशी विवाह गर्न नपाउँदा पनि आत्महत्या गर्ने गरेको पाइएको छ ।

यसलाई न्युनिकरण गर्न प्रहरीले पनि विभिन्न अभियान चलाएको बताएको छ । मानसिक पीडा भएका, घरेलु हिंसामा पिल्सिएका महिलालाई सम्झाउने वुझाउने काम प्रहरीले गरेको जनाएको छ । पछिल्ला दिनमा वालवालिकाले पनि आत्महत्या गर्ने गरेको वताउँदै उनले विद्यालयमा र घर परिवारमा वालमैत्री वातावरण हुनु पर्नेमा उनले जोड दिए । वालवालिकाको मनोभावना वुझ्ने काम शिक्षक र अभिभावकले गर्नु पर्ने उनको भनाइ छ ।

महिला सेल प्रमुख इन्दिरा गिरीका अनुसार चरम घरेलु हिंसा खेप्न नसकेर महिलाले आत्महत्या गर्ने गरेका छन् । ‘यातना, डर धम्की र आफुखुशी विवाह गर्न नपाएका कारण पनि युवायुवतीले आत्महत्या गर्ने, विष पिउने गरेको छन’ उनले भनिन् ।
आत्महत्या जस्ता घटनालाई रोक्न सबै क्षेत्र लाग्नुपर्ने सेल प्रमुख गिरीको भनाई छ । विष सेवन, आत्महत्या, आफैँलाई आगो लगाएर आत्महत्या गर्नेमा १६ वर्षदेखि ६० वर्ष उमेरसम्मका रहेको जानकारी गिरीले दिइन् ।

आत्महत्या नियन्त्रण र न्युनिकरणका लागि जिल्लामा कुनैपनि संघसंस्थाले काम नगरेको गैरसरकारी संस्था महासंघ कपिलवस्तुका अध्यक्ष प्रविण श्रीवास्तवले वताए । आत्महत्याका घट्नालाई रोक्नुपर्छ, यसमा राज्यले पनि समयमै ध्यान पुर्याउनु पर्छ, उनले भने । ‘विभिन्न कार्य गर्ने संघ संस्थाले पनि आत्महत्या , विष सेवन जस्ता विषयलाई कार्यक्रममा राखी चेतना मुलक कार्यक्रम गर्न आवश्यक छ’ उनले भने । घरदेखि गाउँ समाजमा शान्तिको वातावरण सृजना गर्नु, घरेलु हिंसा रोक्नु, वालवालिकालाई वालमैत्री वातावरण राख्न सकिएमा यस्ता डरलाग्दा घटना नियन्त्रण हरने उनको भनाई थियो ।

महिलाको सम्मान र वालवालिकामैत्री वातावरण, रोजगारी भएमा आत्महत्या , विष सेवन जस्ता काम न्यून हुने महिला मानवअधिकार मञ्चका केन्द्रिय सचिव चेतना अधिकारीले वताइन् । घरेलु हिंसा रोक्न सकेमा यस्ता घट्ना स्वतः घट्ने महिला मानवअधिकार रक्षक जिल्ला सञ्जाल कपिलवस्तुका अध्यक्ष मिना परियार बताउँछिन्

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: