गर्भवती तथा बालबालिकाको पोषणमा सुधार ल्याउन कुखुरा बितरण


प्रकाशित मिति :2016-08-08 10:43:35

महिला खबर
कालिकोट  । गर्भवती र बालबालिकाको पोषण स्थितिमा सुधार ल्याउन जिल्ला पशुसेवा कार्यालय कालिकोटले २१ हजार र जुम्लाले ६ सय ६८ वटा कुखुरा बितरण गरेको छ । कुखुरापालन ब्यवसाय गरि पोषणमा सुधार ल्याउन कुखुरा बितरण गरिएको कार्यलयले जनाएको छ ।

कालिकोट जिल्लाको लालु, कोटवाडा, फोइमहादेव, फुकोट, कालिका, खिन, धौलागोह, बदालकोट, कुमालगाउँ, माल्कोट, नानीकोट, सुककाटिया, भर्ता र राचुली गाबिसमा कृषि तथा खाद्य सुरक्षा, पशु सेवा प्रचार कार्यक्रम, साना किसान अनुदान कार्यक्रम, बहुक्षेत्रिय पोषण कार्यक्रमबाट २१ हजार १ सय कुखुरा बितरण गरिएको जिल्ला पशु सेवा कार्यालयका पुश सेवा प्राबिधिक नेत्रबहादुर शाहीले बताए । ‘बिपन्न बर्गका समूहलाई पोषणमा सुधार ल्याउन कुखुरा बितरण गरिएको हो ।’ उनले भने,–‘यसबाट साना किसानलाई उद्यमी बनाउने पनि उद्देश्य राखेको छ ।’

त्यस्तै जुम्ला जिल्लाका तीन वटा गाविसमा कुखुरा वितरण गरिएको छ । कुखुरापालन ब्यवसायबाट समुदायको आयआर्जन बृद्धि गरि बालबालिका तथा गर्भवतीको पोषण स्थितिमा सुधार ल्याउने उद्देश्यले जिल्लाको छुमचौर, गुठिचौर र गज्र्याङकोट गाविसमा ६ सय ६८ वटा कुखुरा बितरण गरेको छ ।

जिल्ला विकास समिति जुम्लाको सहयोग तथा पशुसेवा कार्यालयको घरवारी बगैचा र कृषि तथा खाद्य सुरक्षा आयोजना कार्यक्रम अन्र्तगत तीन गाविसमा ६ सय ६८ वटा कुखुरा वितरण गरीएको पशु विकास अधिकृत गोबिन्द्रबहादुर महतले बताए । ‘छुमचौर ७ र गुठिचौर ६ देखि ८ वडासम्मका ३०/३० घरधुरीलाइ प्रति घरधुरी ९ वटा कुखुराका दरले ५ सय ४० वटा कुखुरा बितरण गरिएको छ ।’

कुखुरा बितरण गरिएका सबै घरधुरीमा कुखुरा ब्यवसायबाट आय–आर्जनका क्रियाकलाप बृद्धि गरि परिवारको पोषण स्थितिमा सुधार ल्याउने उद्देश्य रहेको पशु सेवा कार्यालय कालिकोटका प्राबिधिक शाहीले बताए । ‘कुखुरा ब्यवसायलाई ब्यवस्थित रुपमा संचालन गर्न र आफ्नो ब्यवसायलाई प्रर्बद्धन यसले सहयोग गर्नेछ ।’ उनले भने,–‘सबै समुदायलाई कुखुरापालनमा केहि समस्या आए तत्काल सल्लाह सुझाब जिल्ला पशु सेवा कार्यालयले दिने गरेको छ ।’

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: