आफ्नै गाउँमा काम गर्दा सन्तुष्ट सामाजिक परिचालक


प्रकाशित मिति :2016-08-09 12:22:49

सर्मिला बुढाथोकी
दोलखा । जनताको समस्या, अप्ठ्यारो र आवश्यकताको पहिचान गरी  सम्बन्धित निकायसम्म पुर्‍याउन दोलखाका दुई नगरपालिका र ४८ गाविसमा ६४ जना सामाजिक  परिचालक खटिएका छन् । उनीहरू सबै महिला छन् ।

14

जिल्लामा अहिले राष्ट्रिय अभियानको सम्पूर्ण क्रियाकलापमा सामाजिक परिचालकको भूमिका महत्वपुर्ण हुने गरेको छ । भूकम्पपछिको पुननिर्माण, पिछडिएका बर्ग, महिला, बालबालिका, दलित, अपाङ्ग, एकल महिला, बृद्धबृदा, जीविकोपार्जन, स्वास्थ्य, खानेपानी, उपझोक्ता गठन, अनुगमन, राज्यले बनाएका नियमको कार्यान्वयन गराउनेलगायतका  विषयमा जानकारी दिनुलिनु उनीहरूको दिनचर्या हो । सामाजिक परिचालक समाजलाई परिचालन गर्न हरेक गतिविधिमा सहभागी हुने गरेका छन् ।

‘महिला भएकै कारण शुरु शुरुमा हाम्रो कुरा कसैले सुन्दैनथे, तर अहिले भने सबैले एकदमै सम्मानपूर्वक व्यवहार गर्न थालेका छन्’ भिमेश्वर नगरपालिकाकी तारा चौंलागाईले भनिन् । सामाजिक परिचालक बारे ताराको रोचक विश्लेषण छ । उनी भन्छिन्– ‘सामाजिक परिचालक भनेको आलु जस्तै हो । आलु जुन तरकारीमा पनि मिल्छ , हामीपनि जुनसुकै विषयमा पनि ठिक्क हुनुपर्ने ।’

सामाजिक परिचालकको अनुगमन र रिर्पाेटिङका आधारमा राज्यलाई नीति बनाउन सजिलो हुने भीनपाकी सामाजिक परिचालक कल्पना बुडाथोकीको भनाई छ । ‘हाम्रो काम चूनौतिपूर्ण, रमाईलो र महत्वपूर्ण पनि छ, आफ्नो गाविसमा रहेर सबै कुराको जानकारी गराउन र लिन पाउँदा आनन्द लाग्छ’ बुढाथोकी भन्छिन्  ।

15

जिल्ला विकास समिति स्थानीय शासन तथा सामुदायिक बिकास कार्यक्रम  (एलजिसिडीपी) अन्र्तगत राखिएका महिला सामाजिक परिचालकमा  काम गर्ने प्रतिवद्धता र ग्रामीण जनतालाई सहज ढङ्गले आफ्नो कुरा राख्न सक्ने क्षमता बढी भएको जिल्ला विकास समिति दोलखाको सामाजिक विकास अधिकृत नारायण सेढाइले बताए । उनले महिलामा यस्तो क्षमता बढी हुने भएकाले   महिलालाईमात्र सामाजिक परिचालक राख्ने व्यवस्था भएको सेढाईको भनाइ छ । तर पहिलदेखि नै  काम गरिरहेका छन् भने पुरुष सामाजिक परिचालक पनि हुन सक्ने सेढाई बताउँछन् ।

दोलखाको भीमेश्वर नगरपालिकामा १३ जना सामाजिक परिचालक र जिरी नगरपालिकामा ३ जना सामाजिक परिचालक छन् । जिल्लाको ४८ गाविसमा ४८ जना सामाजिक परिचालक रहेको जानकारी सेढाईले दिए । निर्देशिका अनुसार सामाजिक परिचालकका लागि गाविसको हकमा सम्बन्धित गाविस र नगरपालिकाको हकमा सम्बन्धित वडाको २१ बर्ष पुरा भै १२ पास भएको विवाहित महिलालाई प्राथमिकता दिईने छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: