असी वर्षीया छब्बाले पाईन नागरिकता


प्रकाशित मिति :2016-08-10 13:57:51

महिला खबर
कपिलवस्तु । गणेशपुर गाविसकी ८० वर्षीया छब्बा तेलीले नागरिकता पाएकी छन् । इलाका प्रशासन कार्यालय चन्द्रौटाका शाखा अधिकृत जगदीश अर्यालले छब्बालाई बंशजकै आधारमा नागरिकता दिईएकोे बताएका छन् ।

citizenship

नागरिकता पाएकी छब्बाले खुशी हुँदै भनिन् ‘घरले जा जा र वनले आइज आइज भनिरहेको बेला हातमा नागरिकता पाउँदा खुशी लागेको छ ।’ नागरिकता नहुँदा बृद्दा भत्ता नपाएकी तेलीले नागरिकता पाएसँगै भत्ता पाउने भएकोमा खुशी व्यक्त गरेकी छिन् । भन्छिन् ‘अब त मैले पनि भत्ता पाउने भएँ । सबै बुढाबुढीहरू भत्ता बुझेर ल्याउँदा मनमा सँधै पिरलो हुन्थ्यो । अहिले बल्ल नागरिकता पाएँ । अब त भत्ताकै लागि केही वर्ष अझै बाँच्छु होला ।’

छब्बाको नागरिकता उनका ६१ वर्षीय छोरा बाबुराम तेलीको सनाखतबाट बनेको हो । उनका श्रीमान मंगरे तेलीको १२ वर्षअघि मृत्यु भएको हो । नागरिकताबिना आफ्नो नाममा जग्गा नामसारी गर्न नमिलेपछि आमाको नागरिकता बनाएको उनका छोरा बाबुराम तेलीले बताए ।

त्यसैगरी गुगौली गाविस लोहरौलाकी ७८ वर्षीया बेलिया थारुले पनि नागरिकता पाएकी छिन् । ईलाका प्रशासन कार्यालयका प्रमुख एवं उपसचिव मेघनाथ उपाध्याले थारुलाई बंशजको आधारमा नागरिकता दिईएको जानकारी दिएका छन् । थारुले नागरिकता नभएकै कारण अहिलेसम्म राज्यले दिएको सेवासुविधाबाट बञ्चित हुँदै आएकी थिईन् । उनको श्रीमानको मृत्यु भइसकेकाले नागरिकता बनाउन छोरा राजाराम थारुको सनाखतबाट बेलियाले नागरिकता पाएकी हुन् । नागरिकता पाएपछि भनिन् ‘नागरिकता बनेपछि अब त वृद्धाभत्ता पाउने भएँ खुशी लागेको छ ।’

    Comment Here!

Related NEWS
मुख्य खबर

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

Read more
© 2015.All rights reserved by mahilakhabar.com
%d bloggers like this: